Džikote trajnela i vojna ki Ukraina, but hristijanska religiozna vodačija pottikninena e manušen te poddržinen la. Dikh sar nesave religiozna vodačija poddržinena jekh strana, a o javera i javer strana:

•   „Bari čest hem blagodarnost bašo sa amare vojnikija kola so braninena pumari phuv i Ukraina taro amaro dušmani... Amare vile, iskrena molitve hem amari poddrška tane sekogaš tumencar“ (Akava vakergja le o Kievsko metropolit Epifanij I bašo The Jerusalem Post ko 16 mart 2022 berš).

•   „Džikote i Moskva prodolžinela e vojnaja ki Ukraina, o poglavari tari Rusko pravoslavno crkva ikergja bogoslužba bašo ruska vojnikija kote so pottikningja len te braninen pumari država ’sar so jekh rusinco šaj te kerel adava‘ (Reuters, 3 april 2022 berš).

 Dali o hristijanja valjani te poddržinen i vojna? So vakerela i Biblija bašo adava?

 I Biblija sikavela kaj okola so čače džana palo Isus na učestvujnena ki vojna.

•   „Iran o mači ko leskoro than, soske sarine so ka len mači ko vas, ka meren taro mači“ (Matej 26:52).

   Dali jekh manuš kova so poddržinela i vojna ili učestvujnela ki late čače ikerela pe ko e Isuseskere lafija?

•   „Dava tumen nevi zapoved: mangen tumen jekh jekhea! Sar me so mangljum tumen, agjaar tumen da mangen tumen jekh jekhea. Agjaar sarine ka džanen kaj sien mle učenikija, ako isi tumen mangipe maškar tumende“ (Jovan 13:34, 35).

   Dali jekh manuš kova so poddržinela i vojna sikavela mangipe palo kova so pendžargjovena e Isuseskere sledbenikija?

 Bašo poviše informacie čitin i statija „Dali hristijanite treba da vojuvaat?“

 Dali tano razumno te očekujna o hristijanja avdive te na učestvujnen ki vojna? Oja. I Biblija vakerela kaj ko „posledna dive“, adava tano o vreme kote so živinaja akana, ka oven manuša taro sa o nacie kola so „nane poviše te sikljoven te maren pe“ (Isaija 2:2, 4). Akala manuša ka postapinen ko sklad adalea so sikavgja o Isus.

•   Te šaj te doznajne poviše, čitin i Stražarska kula e naslovea „Kako gleda Bog na vojnite?“

 Panda hari o Jehova, a „o Devel kova so dela mir“, ka koristinel pli nebesno vlada te spasinel e manušen „taro maltretiribe hem nasilstvo“ (Filipjanite 4:9; Psalm 72:14).

•   Te šaj te dikhe sar ka kerel adava, dikh o videoklipi Soj e Devleskoro Carstvo?