•   „Otprilika ekvaš taro vozrasna manuša ko SAD vakerena kaj tane osamena, a poviše lendar tane maškar 18 dži ko 25 berš“ (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023).

•   „[I Svetsko zdravstveno organizacija] biringja nekobor manušen te istražinen poviše baši osamenost hem ko adava te dikhen sar jekh baro problemi bašo sastipe, te pottikninen e manušen poviše te družinen pe hem te arakhen rešenie baši osamenost ko sa o phuvja, bizi razlika dali adaja phuv tani barvali ili čoroli“ (Svetsko zdravstveno organizacija 15 noemvri 2023).

 I Biblija dela praktična sovetija bašo adava sar te nakha šukar e javerencar hem adava te pomožinel amen te na osetina amen osameno.

 Ker pohari bukja kola so cidena tut e javerendar. Jekh asavki buti tani but te koristinel pe o socijalna mreže. Namesto adava, rode prilike te nakhave vreme manušencar hem te kere tuke čačutne amala.

•   Načelo tari Biblija: „O čačutno amal sikavela mangipe ko sekova vreme hem phral ovela ko phare dive“ (Izreki 17:17).

 Rode prilike te pomožine e javeren. Adava so ka kere šukaripe e javerenge na samo so ka pomožinel tut te ove ko šukar odnosija e javerencar, nego hem ka pomožinel tut te osetine tut pošukar.

•   Načelo tari Biblija: „Poviše isi radost keda dela pe nego keda lela pe“ (Apostolija 20:35).

 Ki amari internet-stranica šaj te arakhe poviše informacie tari Biblija bašo adava sar te kera amenge šukar amala.