Sar grižinela pe o Devel okolenge soj gluvonema?
Avdive, isi okolu 70 milionja gluvonema manuša ko celo sveto, hem isi poviše taro 200 znakovna čhibja. Žalno tano adava so but puti o javera ponašinena pe lošno lencar, sar so šaj te dikha taro sledna informacie:
„Ko celo sveto, na poštujnena pe o pravija okolengere soj gluvonema hem okolengere so na šunena šukar“ National Association of the Deaf (U.S .). (Nacionalen sojuz na gluvi i nagluvi).
„Ko počorole thana, o gluvonema tane maškar o najčorole ko sveto hem pharo lenge te dobinen šukar obrazovanie, buti hem informacie“ (Svetska federacija na gluvite).
Sar dikhela o Devel ko gluvonema? So vakerela i Biblija bašo gluvonema? Hem sar e Jehovaskere svedokija pomožinena lenge avdive?
Sar dikhela o Devel ko gluvonema?
I Biblija otkrinela amenge kaj o Jehova a o Devel grižinela pe bašo gluvonema. Ov mangela ola te oven poštujme hem te ovel len korist taro obrazovanie so dela le.
Stiho: „Ma de arman e kašukeske“ (3. Mojseeva 19:14).
So značinela: E Jehovaskoro zakoni so dengja le e Izraelconge ko purano vreme, zaštitinela sine o pravija okolengere so sine gluvonema.
Stiho: „O Devel nane pristrasno“ (Apostolija 10:34).
So značinela: E Jehovaske tane važna sa o manuša, bizi razlika tari savi nacija tane, kotar avena hem savi čhib kerena lafi, maškar kolende soj o gluvonema.
Stiho: „O Isus počmingja te džal... te propovedinel o šukar haberi bašo Carstvo“ (Matej 9:35).
So značinela: O Isus alo ki phuv te šaj te sikavel e manušen bašo e Devleskoro Carstvo hem so ka kerel adava Carstvo bašo sa o manuša, maškar kolende soj o gluvonema (Matej 6:10).
Stiho: O Isus kergja čak „o kašuke te šunen, a o lalore te keren lafi“ (Marko 7:37).
So značinela: O Isus sikavgja save bukja ka kerel e Devleskoro Carstvo keda o kašuke ka šunen, a o lalore ka keren lafi. Ki akaja prilika, o Isus ljubezno koristingja gestija te šaj te komunicirinel jekhe kašuke manušea angleder te sasljarel le (Marko 7:31-35).
Stiho: „O kana e kašukengere ka šunen“ (Isaija 35:5).
So značinela: O Jehova prorokujngja kaj o kašuke ka šunen (Isaija 29:18).
Sar avdive e Jehovaskere svedokija pomožinena okolenge soj gluvonema?
E Jehovaskere svedokija ko celo sveto svedočinena okolenge soj gluvonema bašo e Devleskoro haberi so dela nadež. Sar keraja akava? Amen pečatinaja Biblie hem keraja bibliska videoklipija proučibaske ko poviše taro 100 znakovna čhibja. Isto agjaar, nudinaja bibliska kursija hem ikeraja sostanokija ki znakovno čhib. Sa akava keraja le bizo pare, sekaske so mangela e Devleskiri pomoš. Soske? Adaleske so o Isus zapovedingja: „Dobingjen bizo pare, bizo pare den“ (Matej 10:8).
Akava materijali šaj te arakhe le ko internet ili te perave le tari:
JW.ORG. Dža ki kopča bašo čhibja so arakhljola upre te šaj te arakhe informacie ki nesavi znakovno čhib.
I aplikacija JW Library Sign Language. Perav akaja besplatno aplikacija ko tlo ured hem ka šaj te dikhe ili te perave videoklipija ki znakovno čhib.
Kola bibliska publikacie isi amen?
I Biblija ki znakovno čhib. I Biblija — prevod Nevo sveto ki amerikansko znakovno čhib, sine i prvo Biblija ko sveto so sine celo. I Biblija — prevod Nevo sveto akana tani dostapno celo ili delija latar ko but znakovna čhibja hem sekova berš dodajnena pe neve čhibja ki adaja čhib. (Te šaj te dikhe ko kobor čhibja tani dostapno ili te dikhe i Biblija ko internet, dikh i ramka „ I Biblija — prevod Nevo sveto ki znakovno čhib“.)
Dikh o videoklipi Celokupan biblijski prevod Novi svet na američkom znakovnom jeziku hem doznajn so keraja te šaj te ovel i Biblija ki znakovno čhib.
Te šaj te ovel tut pobari korist taro čitibe i Biblija, perav i aplikacija JW Library Sign Language. Akaja aplikacija ka pomožinel tuke te birine posebna stihija ki znakovno čhib tari Biblija.
O Dmitro hem i Vita tane gluvonema roditelija. A lengere čhave šunena. Dikh sar koristinela lenge adava so dikhena i Biblija ki znakovno čhib sekova dive.
Videoklipija so sikavena baši Biblija. E Jehovaskere svedokija kergje videoklipija ki znakovno čhib kola so pomožinena e manušenge te haljon hem te primeninen o bibliska načelija bašo...
Biblisko kursi. Sikljov bašo haberi tari Biblija agjaar so nekoj ka pomožinel tuke, doborom vreme kobor so valjani tuke. Rode te dikhe sar izgledinela akava besplatno biblisko kursi.
O Džejsen Senahonen živinela ko Filipini. Dikh sar amaro biblisko kursi pomožingja leske te ovel paše amal e Devlea.
O Mario Antunez sine pastori ki jekh crkva ko Honduras. Dikh sar arakhlja o odgovorija ko ple bibliska pučiba agjaar so ka čitine leskoro iskustvo „Imao sam više pitanja nego odgovora“.
Sostanokija hem nastanija. Isi amen sobranija hem grupe ko celo sveto ki znakovno čhib kote so o gluvonema khedena pe te šaj te sikljoven hem te obožavinen e Devle sekova kurko. Amen isto agjaar sekova berš organizirinaja pobare nastanija ki znakovno čhib te šaj te sikljol pe tari Biblija. Ko amare sostanokija hem nastanija prevedinela pe adalenge soj gluvonema, ama isto agjaar adalenge soj tane hem gluvonema hem korole. Isto agjaar, pečatinaja hem daja literatura bizo pare ko Brajovo pismo.
Rode sobranie paše uzi tute.
Doznajn keda ka ikeren pe amare kongresija.
Ov prisutno ki Spomen-svečenost, amaro najvažno nastan ko berš.
O Hoze Luis Ajala živinela ko Meksiko. Ov bijandilo sar gluvonemo, a palo adava korolilo. Dikh sar pomožingja pe leske te šaj šukar te sikavel e javeren baši Biblija.
a Jehova tano o anav e Devleskoro (Psalm 83:18). Dikh i statija „Koj tano o Jehova?“
