Ko celo sveto ponadari da o vojne anena bare dukha hem muke. Ake nekobor izveštaija:

•   „Ko berš so nakhlja mule ki vojna poviše manuša nego ko sa akala 28 berša hem najviše mule ko vojne ki Etiopija hem ki Ukraina“ (Instituti so istražinela bašo mir ko Oslo, 7 juni 2023 berš).

•   „I vojna ki Ukraina tani samo jekh taro konfliktija so sine ko 2022 berš. Ko berš so nakhlja, ko celo sveto, o političko nasilstvo barilo bašo 27% hem 1,7 milijarde manuša sine pogodime taro nasilstvo“ (Proekti te šaj te dikhel pe kote isi vooružime konfliktija hem podatokija bašo nastanija [ACLED], 8 fevruari 2023 berš).

 Ama, i Biblija dela amen nadež. Ki late pišinela kaj „o nebesno Devel ka vazdel carstvo kova so nikogaš nane te ovel uništimo“ (Daniel 2:44). Keda adava Carstvo ka vladinel ili javere lafencar adaja vlada, o Devel ka čhinavel „o vojne ki celi phuv“ (Psalm 46:9).