O svetska vodačija hem o megjunarodna organizacie našti te anen mir. Tari Dujto svetsko vojna pa sa dži akana, avdive isi najviše nasilna konfliktija. Okolu duj milijarde manuša — jekh četvrtina taro adava kobor manuša isi ko sveto — živinena ko thana kote so isi asavke konfliktija.

 Soske o manuša našti te anen mir? So vakerela i Biblija?

1.  1. O stavi e manušengoro čhinavela len čak te probinen te anen mir. I Biblija vakergja kaj ko amaro vreme „o manuša ka mangen korkori pes, ka mangen o pare, ka oven čalmdžie, ka ikeren pe ko baripe... nane te oven verna... nane te oven spremna bašo bilo savo dogovor... nane te kontrolirinen pe, [ka oven] surova... inačie, gorda“ (2. Timotej 3:2-4).

2.  2. O manuša ni korkori, ni sar grupa našti te rešinen o problemija bizi pomoš taro Stvoriteli, o Jehova a o Devel. I Biblija vakerela kaj „o manuš kova so phirela našti te upravinel ple čekorija“ (Eremija 10:23).

3.  3. O sveto tano kontrolirimo taro mokjno hem lošno vladeteli, o Satana o Beng, „kova so hovavela celo sveto“ (Otkrovenie 12:9). Džikote „celo sveto tano ko vasta e Lošnoskere“ ka oven vojne hem konfliktija (1. Jovaneskoro 5:19).

 I Biblija uverinela amen kaj o manuša nane te anen mir, nego o Devel.

•   „’Soske me but šukar džanava save tane mle namere tumencar‘, vakerela o Jehova, ’mangava te ovel tumen mir, a na nevolja, te dav tumen idnina hem nadež“ (Eremija 29:11).

 Sar o Devel ka ispolninel plo vetuvanje? „O Devel kova so dela mir, ka uništinel e Satana“ (Rimjanja 16:20). O Devel ka koristinel jekh nebesno vlada kolake so i Biblijake vakerela kaj tani „e Devleskoro Carstvo“, te šaj te anel mir ko celo sveto (Luka 4:43). Keda o Cari taro adava Carstvo, o Isus Hristos, ka vladinel upri phuv, o manuša ka sikljon sar te živinen ko mir (Isaija 9:6, 7).

•   Te šaj te doznajne poviše čitin i statija „Što kje postigne Božjeto Carstvo?“