Pretpostavinela pe kaj okolu 5 milijarde manuša dikhena o svetsko prvenstvo so počmingja taro 20 noemvri hem ka trajnel dži ko 18 dekemvri 2022 berš. But džene mislinena kaj asavke sportska nastanija šaj te keren nešto poviše nego samo te anen e manušen ko jekh than sar publika.

•   „O sport šaj te meninel o sveto. Isi le mokj te motivirinel. Isi le mokj ko jekh posebno način te anel ko jekhipe e manušen“ (Akava vakergja le o poranešno pretsedateli tari Južno Afrika o Nelson Mandela).

•   „O fudbal kerela o manuša te oven ko jekhipe soske anela nadež, radost, vozbuda, mangipe sprema o javera manuša hem kerela te ovel len nešto zaedničko“ (Akava vakergja le o pretsedateli tari FIFA o Džiani Infantino). a

 Šaj li o svetsko prvenstvo ili bilo kova javer sportsko nastan te ispolninel asavke bare celija? Isi li nesavi nadež bašo mir hem jekhipe?

 Akava berš o svetsko prvenstvo kergja o manuša te razmislinen bašo poviše bukja, a na samo bašo fudbal. Ustvari, o utakmice kergje o manuša te diskutirinen bašo socijalna hem politička teme kote soj vklučime o manušikane pravija, diskriminacija hem ekonomska razlike.

 Sepak, but manuša uživinena te dikhen o megjunarodna sportska nastanija, sar soj o svetsko prvenstvo. Ama, iako but džene mangena te ovel jekhipe, akala nastanija našti te anen jekhipe zasekogaš. Namesto adava, ki lende često istakninena pe stavija hem postapke kola so odvojnena e manušen. A i Biblija vakerela kaj ko „posledna dive“ e manušen ka ovel len baš asavke stavija hem postapke (2. Timotej 3:1-5).

 I Biblija dela čačutni nadež bašo jekhipe ko celo sveto. Oj vetinela kaj sa o manuša ki phuv ka oven ko jekhipe keda ka vladinel jekh nebesno vlada koja so vikinela pe „e Devleskoro Carstvo“ (Luka 4:43; Matej 6:10).

 O Cari taro adava Carstvo, o Isus Hristos, ka kerel te ovel mir ko celo sveto. Ki Biblija pišinela:

•   „O pravedniko ka cutinel hem ka ovel baro mir“ (Psalm 72:7).

•   „Ka spasinel e čorole so rovela baši pomoš... Ka spasinel len taro maltretiribe hem nasilstvo“ (Psalm 72:12, 14).

 E Isuseskere sikljojba panda avdive angje ko jekhipe milionja manušen taro 239 phuvja. Ola siklile te na mrzinen e javeren. Te šaj te doznajne poviše, čitin i serija taro statie e naslovea „Kako da se prekine krugot na omrazata?“