„Sigate džaja dži ki klimatsko katastrofa. Bare dizja telo pani. Tatipe sar nikogaš angleder. Strašno nevreme. Ko but thana nane te ovel pani. Milionja rastenija hem životne više nane te postojnen. Akava nane nešto izmislimo hem na bajraraja o bukja. Akava vakerena amenge o naučnikija kaj ka ovel sar rezultati tari amari energetsko politika“ (Govor taro Antonio Gutereš, o Generalno sekretari taro Obedineta nacie, bašo izveštaj taro 4 april 2022 berš kova so dengja le o Megjunarodno paneli bašo klimatska promene).

 „O naučnikija vakerena kaj o berša so avena i klimatsko promena ka uništinel skoro sa o 423 nacionalna parkija [ko SAD], adaleske soj tane osetliva keda uštena o temperature. O lošna bukja so šaj te slučinen pe tane sar o katastrofe kolenge so čitinaja ki Biblija: jag hem poplava, mrazo so mukhljola, bajrola o nivo taro more hem baro tatipe“ („O bare poplave ko Jeloustoun — znako bašo krize so ka aven“, The New York Times, 15 juni 2022 berš).

 Šaj li akala problemija te rešinen pe? Ako oja, koj šaj te rešinel len? Dikh so vakerela i Biblija.

 I Biblija vakerela kaj o Devel „ka uništinel okolen so uništinena i phuv“ (Otkrovenie 11:18). Taro akava stiho sikljovaja trin bukja:

1.  1. O manuša ki bari mera ka uništinen i phuv.

2.  2. Ka avel dive keda i phuv poviše nane te ovel uništimi.

3.  3. O Devel, a na o manuša, ka rešinel o ekološka problemija ki phuv.

 I Biblija vakerela kaj „i phuv ka ačhovel zasekogaš“ (Propovednik 1:4). O manuša sekogaš ka živinen ki late.

•   „O pravedna manuša ka nasledinen i phuv hem ka živinen večno ki late“ (Psalm 37:29).

 O ekološka problemija tari amari planeta ka oven celosno rešime.

•   „Ka radujnen pe i pustina hem i phuv bizo pani, ka radujnel pe i phuv soj pusto hem ka cvetonel sar šafrani“ (Isaija 35:1).