DŽANGAVGJOVEN! Br. 2, 2020 | Soske cidaja muke?
Ko jekh momenti taro amaro životo sarine doživinaja nesavi tragedija sar soj nasvalipe, nesrekja, prirodno katastrofa ili nasilstvo.
O manuša mangena te džanen soske cidena muke.
Nesave manuša mislinena kaj cidena muke soske agjaar sine lenge pišimo hem adaleske nane len skoro nisavi kontrola upro adava.
Nesave verujnena ki karma. Ola vakerena kaj cidaja muke adaleske so ko akava životo ili ko nesavo životo angleder kergjem nešto lošno.
Keda slučinela pe nesavi tragedija, e manušen isi len poviše pučiba nego odgovorija.
Različna veruvanja
Doznajn save veruvanje bašo muke isi različna religien.
1 Dali o Devel tano krivo bašo muke so cidaja len?
But manuša verujnena kaj o Devel tano krivo bašo muke so cidaja len. Ama, dali adava tano čače?
2 Dali amen siem kriva bašo muke so cidaja len?
Ako o odgovor tano oja, tegani šaj te kera nešto te na oven doborom muke.
3 Soske o šukar manuša cidena muke?
I Biblija šaj te pomožinel amenge te doznajna o odgovor.
4 Dali e Devle sine le namera te cida muke?
Dali o Devel, kova so kergja doborom šukar bukja ko sveto, sine le namera o manuša te ciden muke? Ako na, tegani soske cidaja muke?
5 Ka avel li krajo e mukenge?
I Biblija vakerela amenge sar o Devel ka anel krajo e mukenge.
Kaj te arakhe pomoš
Čak ako mislinaja kaj o problemija našti te rešinen pe, šaj te arakha praktično pomoš.
