Šaj, isto sar butenge amendar, tuke da pharo te pamtine adava so proučinea. Sepak, dali primetingjan kaj lokhe šaj te setina amen ko sporedbe so vakergja len o Isus? Ustvari, so pomožingja amenge te pamtina len? Adava so keraja amenge slike lendar ki godi. Slično, te šaj pošukar te pamtine adava so proučinea, probin te zamisline tuke o bukja. Sar šaj te kere adava? Agjaar so ka crtine slike džikote proučinea.

O manuša so crtinena slike bašo neve bukja so sikljovena but puti pošukar pamtinena len. Ola halile kaj o crtibe pomožinela lenge na samo te pamtinen lafija, nego hem pokomplicirana idee. Asavke slike na valjani te oven umetnička, nego ednostavna. O istražuvanja sikavena kaj akava način posebno šaj te pomožinel e pophurenge.

Keda javer puti ka proučine, šaj te crtine nekobor slike bašo adava so sikliljan. Šaj ka ove iznenadimo kobor but ka pamtine.