Jekh dive jekh phen taro Nov Zeland dikhlja jekh videoklipi ki amari internet-stranica jw.org kote so kerela pe lafi kaj na samo so e Jehova isi le sočuvstvo nego hem sikavela sočuvstvo (Isa. 63:7-9). Oj odlučingja te primeninel adava so siklili agjaar so praktično pomožingja nekaske. O isto dive pokasno, džikote pazarinela sine, dikhlja jekhe džuvlja kola so na sine la kaj te živinel hem nudingja lake te kinel lake nešto hajbaske. I džuvli prifatingja. Keda i phen irangja pe e hajbaja kratko svedočingja lake e traktatea Ka avel li krajo e mukenge?

I džuvli počmingja te rovel. Oj objasningja e phenjake kaj barili ki familija soj e Jehovaskere svedokija, ama kaj angleder but berša čhinavgja te živinel sprema o čačipe. Sepak, sigende počmingja te molinel e Jehova te pomožinel lake te iranel pe. I phen dengja la Biblija hem dogovoringja pe te proučinel laja. a

Amen šaj te dža palo e Jehovaskoro primer agjaar so ka sikava sočuvstvo e manušenge, maškar kolende soj amari familija hem o phralja ko sobranie. Isto agjaar, šaj te sikava sočuvstvo ako rodaja prilike te svedočina e javerenge.