Amen obožavinaja e Jehova keda zaedno e javerencar khedaja amen ko amare sostanokija hem kongresija, ama hem keda siem korkori ili zaedno amare familijaja. Ake nekobor predlogija bašo tlo lično proučibe hem baši Familijarno rat:

• Spremin tut bašo sostanokija. Isto agjaar, šaj te vežbine o gilja hem te pomožine sarinenge tari familija te spreminen komentari.

• Čitin nesavo biblisko izveštaj. Palo adava, crtin slika taro jekh delo so čitingjan hem pišin so sikliljan taro adava.

• Čitin nesavi molitva soj pišimi ki Biblija hem razmislin sar šaj te pomožinel tuke tle molitve te oven pošukar.

• Dikh nesavo videoklipi ki jw.org, a palo adava ker bašo adava lafi e javerencar ili pišin tuke so sikliljan.

• Spremin tut baši služba. Šaj nekasaja tari tli familija te vežbine jekh prezentacija.

• Dikh o bukja so stvoringja len o Jehova hem razmislin so šaj te sikljove lendar baši leste. a