Čitin 1. Mojseeva 37:23-28; 39:17-23 te šaj te doznajne sar o primer e Josifeskoro šaj te pomožinel tuke te izdržine o nepravde.

Doznajn poviše taro kontekst. Soske o javera kergje nepravda e Josifeske? (1. Moj. 37:3-11; 39:1, 6-10). Kobor vreme o Josif valjani sine te izdržinel o nepravde? (1. Moj. 37:2; 41:46). So kergja o Jehova e Josifeske ko adava periodi, a so na kergja? (1. Moj. 39:2, 21; w23.01 17, pas. 13).

Istražin o detalija. Ki Biblija na pišinela kaj o Josif braningja pe keda e Petefrijaskiri romni vakergja hovajbe hem krivingja le. Sar šaj akala stihija te pomožinen amen te haljova soske o Josif šaj odlučingja te čutinel ili soske na valjani te mislina kaj mora te džana sa o detalija? (Izr. 20:2; Jovan 21:25; Apo. 21:37). Kola osobine šaj pomožingje e Josifeske te izdržinel o nepravde? (Mih. 7:7; Luka 14:11; Jak. 1:2, 3).

Razmislin bašo pouke. Puč tut:

• „Save nepravde šaj te adžikerav te oven man adaleske so sium e Isuseskoro učeniko?“ (Luka 21:12, 16, 17; Evr. 10:33, 34).

• „So šaj te kerav panda akana te šaj te izdržinav o nepravde?“ (Ps. 62:7, 8; 105:17-19; w19.07 2-7).