Oja, ako ola zaedno ačhile i rat korkori bizi opravdano pričina, adava tano silno dokaz kaj kergje seksualno nemoral hem kaj valjani te kerel pe pravno odbor (1. Kor. 6:18).

O starešinstvo šukar ka ispitinel sekova slučaj te šaj te odlučinel dali valjani te kerel pe pravno odbor. Na primer: Dali adala duj džene tane ki vrska? Dali o starešine angleder dengje len sovet bašo lengoro način sar ponašinena pe jekh jekhea? Soske ačhile adaja rat zaedno? Dali angleder planiringje adava? Dali sine len javer izbor, ili slučingja pe nešto upro kova so na sine len kontrola, na primer, ulo nešto so na očekujngje ili nesavi itno situacija baši koja so na sine len javer izbor osven te ačhoven korkori i rat zaedno? (Prop. 9:11). Kote sukje? Sekova slučaj tano različno, adaleske šaj te oven javera da informacie kola so ka vlijajnen ki odluka e starešinengiri.

Otkeda o starešinstvo ka ispitinel sa o informacie, tegani ka odlučinel pe dali valjani te kerel pe pravno odbor.