Neka ovel tut doverba ko Jehova hem ka živine večno!
Neka ovel tut doverba ko Jehova celo vilea hem te na ovel tut doverba ko tlo haljojbe (IZR. 3:5)
1. Soske sarinenge valjanela uteha?
SARINENGE valjani uteha. Šaj amaro životo tano pherdo sekiracie, razočaruvanje hem muke. Nesave amendar mučinena pe soske tane nasvale, phure, ili mulo lendar nekoj so mangena le. A nesave amendar šaj tane maltretirime taro javera. Osven adava, o manuša okolu amende ovena sa ponasilna. Akava „pharo vreme“ sikavela kaj živinaja ko „posledna dive“ hem kaj sekova dive avaja sa popaše dži ko nevo sveto (2. Tim. 3:1). Ama, šaj but vreme više adžikeraja te ispolninen pe e Jehovaskere vetuvanja hem šaj trpinaja sa poviše nevolje. Tegani, kote šaj te arakha uteha?
2, 3. a) So džanaja bašo Avakum? b) Soske ka kera lafi bašo lil Avakum?
2 Te šaj te arakha o odgovor ko akava pučibe te Avak. 2:2).
dikha o biblisko lil Avakum. Iako ki Biblija nane but informacie bašo e Avakumeskoro životo, leskoro lil šaj but te ohrabrinel amen. O anav Avakum verojatno značinela „gušibe taro vilo“. Akava šaj sikavela e Jehovaskoro način sar dela amen uteha. Keda o Jehova utešinela amen, adava tano isto sar te phene gušinela amen, ili javere lafencar lela amen ki angali. Ili isto agjaar šaj sikavela o način sar e Jehovaskere sluge cvrsto ikerena pe ki leste. O Avakum kergja lafi e Devlea hem pučlja le nekobor pučiba. O Jehova ple sveti duhoja vodingja e Avakume te pišinel adava razgovor soske džanlja kaj ka koristinel amenge (3 Akava razgovor maškar o Avakum hem o Jehova tano sa so džanaja tari Biblija bašo akava sekirimo proroko. Ama, leskoro lil tano delo taro sa adava so sine nekogaš pišimo ko e Devleskoro Lafi kova so dela amen nadež, sila hem pomožinela amenge te izdržina (Rim. 15:4). Sar šaj o lil Avakum te pomožinel sekole jekheske amendar? Šaj te pomožinel amenge te haljova so značinela te ovel amen doverba ko Jehova. Isto agjaar, o proroštvo taro Avakum uverinela amen kaj šaj te ovel amen andruno mir bizi razlika save problemija ili pharipa isi amen.
MOLIN TUT E JEHOVASKE
4. Soske sine voznemirimo o Avakum?
4 Čitin Avakum 1:2, 3. O Avakum živinela sine ko but pharo vreme. Živinela sine maškar o manuša so sine but lošna hem nasilna, adaleske sine leske previše pharo. O Izraelcija ponašinena pe sine grubo hem nepravedno jekh jekhea. O Avakum pučela pe sine keda ka avel krajo akale lošnipaske hem soske o Jehova adžikerela doborom but vreme te šaj te kerel nešto. Na sine le sila ponadari te borinel pe. Adaleske molingja e Jehova te kerel nešto. O Avakum šaj počmingja te mislinel kaj o Jehova na grižinela pe više bašo plo narodo hem kaj nane te kerel nešto. Dali tu da osetingjan tut nekogaš agjaar?
Na valjani te dara te vakera e Jehovaske amare muke ili sumnje
5. So šaj te sikljova taro lil Avakum? (Dikh i slika ko početok tari statija.)
5 Dali o Avakum pučlja akala pučiba e Jehova adaleske so našavgja pli doverba ki leste hem ko leskere vetuvanja? Na, na sine agjaar! Adava so o Avakum rodingja pomoš taro Jehova bašo ple problemija hem so vakergja leske ko so sumninela pe, sikavela kaj sine le doverba ki leste. Ama, dikhjola kaj sine sekirimo hem bunimo. Ov na halilo soske o Jehova mukhela doborom te cidel hem soske panda ništo na kerela. O Jehova dengja amenge jekh važno pouka adalea so vodingja e Avakume te pišinel ple muke. Na valjani te dara te vakera e Jehovaske amare muke hem sumnje. Ustvari, o Jehova mangipaja pottikninela amen te molina amen hem te vakera leske so čače osetinaja (Ps. 50:15; 62:8). O lafija taro Izreki 3:5 ohrabrinena sekole jekhe amendar: „Neka ovel tut doverba ko Jehova celo vilea hem te na ovel tut doverba ko tlo haljojbe“. O Avakum primeningja akala lafija.
6. Soske tano važno te molina amen?
6 E Avakume sine le doverba ko plo amal hem Dad, o Jehova, hem kergja nešto te šaj te ovel lea popaše. Namesto samo te sekirinel pe baši pli situacija hem te probinel korkori te rešinel la, ov ki molitva vakergja e Jehovaske sar osetinela pe hem so sekirinela le. Adalea mukhlja amenge šukar primer. O Jehova, kova so šunela o molitve, pottikninela amen te sikava doverba agjaar so ki molitva ka vakera leske amare muke (Ps. 65:2). Ako keraja akava, ka dikha sar o Jehova odgovorinela ko amare molitve hem ka osetina sar mangipaja gušinela amen džikote vodinela amen hem utešinela amen (Ps. 73:23, 24). Bizi razlika save problemija isi amen, o Jehova ka pomožinel amenge te haljova sar dikhela ki amari situacija. Jekh taro najšukar načinija sar šaj te sikava doverba ko Jehova tano agjaar so ka molina amen leske taro vilo.
ŠUN E JEHOVA
7. Sar reagiringja o Jehova keda o Avakum vakergja leske ple muke?
7 Čitin Avakum 1:5-7. Otkeda o Avakum vakergja ple muke e Jehovaske, šaj pučela pe sine sar ka reagirinel o Jehova. Sar jekh Dad pherdo mangipaja, o Jehova halilo sar osetinela pe o Avakum. Ov džanlja kaj o Avakum mučinela pe sine hem kaj but valjanela leske sine pomoš. Adaleske o Jehova na ukoringja e Avakume, nego vakergja leske so ka kerel panda hari e Evreencar so na sine verna. Ustvari, o Avakum šaj sine o prvo manuš kaske so o Jehova vakergja kaj panda hari ka kazninel len.
8. Soske o Avakum sine iznenadimo taro e Jehovaskoro odgovor?
8 O Jehova vakergja e Avakumeske kaj panda hari ka kerel nešto. Ov phengja kaj ka kazninel e nasilna hem e lošna manušen tari Juda. Adalea so vakergja leske kaj adava ka slučinel pe „ko tumare dive“, o Jehova sikavgja kaj akaja osuda ka avel džikote o Avakum hem o Izraelcija okolu leste tane panda dživde. O Avakum na adžikergja asavko odgovor taro Jehova. O Haldejcija, ili o Vaviloncija, sine but surova. Ola sine ponasilna taro Izraelcija, kola so barem džanena sine e Jehovaskere merilija. Tegani, soske o Jehova odlučingja te koristinel akale pagansko narodo te kazninel ple slugen? Akava ka kerel sine te ovel samo popharo e manušenge tari Juda. Sar ka osetine tut sine te ove ko than e Avakumeskoro?
9. Kola javera pučiba pučlja o Avakum?
9 Čitin Avakum 1:12-14, 17. Iako o Avakum halilo kaj o Jehova preku o Vaviloncija ka kazninel e lošna manušen okolu leste, ov ponadari da sine bunimo. Ama ov sine ponizno hem odlučno ponadari da te ovel le doverba ko Jehova. Ustvari, ov vakergja kaj o Jehova ponadari da ka ovel leskiri „Karpa“ (5. Moj. 32:4; Isa. 26:4). O Avakum sine uverimo ko e Jehovaskoro mangipe hem šukaripe, adaleske na darandilo te pučel le panda nesave pučiba, sar soj: Soske o Jehova bi mukhela i situacija ki Juda te ovel panda pološno hem leskoro narodo te mučinel pe panda poviše? Soske odma na kerela nešto? Soske o Semokjno „trajnela“ džikote o lošnipe sa poviše bajrovela? Akala pučiba mučinena le sine soske ov džanela sine kaj o Jehova tano sveto hem leskere jakhja tane previše čista te šaj te dikhen lošnipe.
10. Soske ponekogaš šaj te osetina amen sar o Avakum?
10 Isto sar o Avakum, amen da šunaja e Jehova, isi amen doverba ki leste, čitinaja hem proučinaja leskoro Lafi. Sa akava dela amen nadež. Isto agjaar, o Jehova preku pli organizacija setinkerela amen ko ple but šuže vetuvanja. Ama, šaj amen da sar o Avakum te puča amen: „Keda ka avel krajo amare mukenge?“ Te dikha so šaj te sikljova taro adava so kergja o Avakum.
ADŽIKER KO JEHOVA
11. So sine odlučno o Avakum te kerel?
11 Čitin Avakum 2:1. E Avakume sine le andruno mir adaleske so kergja lafi e Jehovaja. Adava kergja le te ovel odlučno te adžikerel ko Jehova. O Avakum povtoringja pli odlučnost keda vakergja: „Mirno ka adžikerav o dive e nevoljakoro“ (Avak. 3:16). Javera da verna sluge e Devleskere strplivo adžikergje ko Jehova. Lengoro primer ohrabrinela amen soske sikavela kaj amen da šaj te kera adava (Mih. 7:7; Jak. 5:7, 8).
Valjani strplivo te adžikera ko Jehova hem te ovel amen doverba kaj ka cidel amare nevolje ko plo vreme
12. So šaj te sikljova taro Avakum?
12 So šaj te sikljova tari odlučnost e Avakumeskiri? Prvo, nikogaš na valjani te čhinava te molina amen e Jehovaske, bizi razlika save problemija isi amen. Dujto, valjani te šuna so vakerela amenge o Jehova preku plo Lafi hem pli organizacija. Hem trito, valjani strplivo te adžikera ko Jehova hem te ovel amen doverba kaj ka cidel amare nevolje ko plo vreme. Ako džaja palo primer e Avakumeskoro, ka ovel amen andruno mir hem ka šaj te istrajna. Amari nadež ka pomožinel amenge te ova strpliva hem bahtale, bizi razlika save problemija isi amen. Uverime siem kaj amaro Dad soj ko nebo ka kerel nešto (Rim. 12:12).
13. Sar o Jehova utešingja e Avakume?
13 Čitin Avakum 2:3. Šaj te ova sigurna kaj o Jehova sine bahtalo adaleske so o Avakum odlučingja te adžikerel ki leste. O Semokjno but šukar džanela sine kobor pharo sine e Avakumeske, adaleske ov utešingja ple proroko hem ljubezno uveringja le kaj ka odgovorinel ko leskere iskrena pučiba. Panda hari ka avel sine krajo se e Avakumeskere mukenge. Adava sine isto sar te phene o Devel vakergja leske: „Ov strplivo hem neka ovel tut doverba ki mande. Ka odgovorinav ki tli molitva, iako dikhjola pe tuke kaj adžikerea but vreme!“ O Jehova setinkergja e Avakume kaj ov više odlučingja keda ka ispolninel ple vetuvanja. Adaleske pottikningja e Avakume ponadari da te adžikerel. Ko krajo, o proroko nane te ovel sine razočarimo.
Soske siem odlučna te služina e Jehovaske najšukar so šaj? (Dikh o pasus 14)
14. Ko so valjani te ova odlučna keda siem ko phare situacie?
14 Amen da valjani strplivo te adžikera o Jehova te kerel nešto. Isto agjaar, amen da valjani šukar te šuna sa so phenela amenge. Tegani ka ovel amen doverba ki leste hem ka ovel amen andruno mir bizi razlika save problemija isi amen. O Isus pottikningja amen te na ova preokupirime adalea keda ka ispolninen pe e Jehovaskere vetuvanja (Dela 1:7). Valjani te ovel amen doverba ko Jehova kaj ov najšukar džanela keda tano o ispravno vreme te kerel nešto. Adaleske te na otkažina amen, nego te ova ponizna hem strpliva hem te sikava vera ko Devel. A džikote adžikeraja, valjani mudro te koristina amaro vreme hem te služina e Jehovaske najšukar so šaj (Mar. 13:35-37; Gal. 6:9).
O JEHOVA DELA VEČNO ŽIVOTO OKOLENGE SO ISI LEN DOVERBA KI LESTE
15, 16. a) Kola vetuvanja tane pišime ko lil Avakum? b) Ko so uverinena amen akala vetuvanja?
15 O Jehova vetingja: „O pravedniko ka ačhovel dživdo baši pli vernost“ hem „i phuv ka ovel pherdi pendžaribaja baši e Jehovaskiri slava“ (Avak. 2:4, 14). Akava sikavela kaj o Jehova ka del večno životo okolenge soj tane strpliva hem isi len doverba ki leste.
Avakum 2:4 tano doborom važno so o Pavle citiringja le trin puti ko ple pismija (Rim. 1:17; Gal. 3:11; Evr. 10:38). Šaj te ova sigurna kaj bizi razlika save pharipa isi amen ko životo, ako isi amen doverba ko Jehova, ka dikha sar ispolninena pe leskere vetuvanja. O Jehova mangela te mislina ki amari nadež.
16 O vetuvanje soj pišimo ko17. Ko so uverinela amen o Jehova ako isi amen doverba ki leste?
17 Ko lil Avakum isi but silno pouka amenge so živinaja ko posledna dive. O Jehova vetinela večno životo sa e pravedna manušenge so isi len doverba ki leste. Adaleske, ponadari da te bajrara amari doverba ko Devel, bizi razlika save problemija ili muke isi amen. Adava so vakergja o Jehova e Avakumeske uverinela amen kaj ov kaj ka poddržinel amen hem ka spasinel amen. Ov ljubezno pottikninela amen te sikava doverba ki leste hem strplivo te adžikera ko vreme so ov odredingja le keda leskoro Carstvo ka vladinel ki Phuv. Tegani, celi Phuv ka ovel pherdi leskere bahtale hem krotka slugencar (Mat. 5:5; Evr. 10:36-39).
NEKA OVEL TUT DOVERBA KO JEHOVA HEM OV BAHTALO
18. Sar vlijajngje upro Avakum e Jehovaskere lafija?
18 Čitin Avakum 3:16-19. E Jehovaskere lafija vlijajngje but upro Avakum. Ov hor razmislinela sine bašo but šuže bukja so kergja o Jehova ple slugenge ko purano vreme. Adava pomožingja leske te bajrarel pli doverba ko Jehova hem uveringja le kaj panda hari ka kerel nešto! Adava utešingja e proroko, iako džanlja kaj leskere muke šaj te trajnen panda nesavo vreme. E Avakume na sine le više sumnje. Namesto adava, ov sine celosno uverimo kaj o Jehova ka spasinel le. Ustvari, leskere lafija soj tane pišime ko 18 stiho, šaj tane jekh taro najsilna lafija baši doverba soj pišime ki Biblija. Nesave izučuvačija mislinena kaj o 18 stiho značinela: „Ka rupinav taro bahtalipe bašo mlo Gospodari, ka khelav taro bahtalipe bašo Devel“. Adava tano čače bari pouka amenge! O Jehova na samo so dengja amen but šuže vetuvanja baši idnina, nego hem uveringja amen kaj panda hari ka ispolninel adala vetuvanja.
19. Sar šaj te ova utešime taro Jehova sar so sine o Avakum?
19 I glavno pouka so sikljovaja la taro lil Avakum tani te ovel amen doverba ko Jehova (Avak. 2:4). Te šaj ponadari da te ovel amen asavki doverba, valjani te kera pozoralo amaro amalipe lea. Adaleske valjani 1) ponadari da ki molitva te vakera e Jehovaske sa amare muke, 2) šukar te šuna so vakerela amenge ko plo Lafi hem te šuna o vodstvo so dela amen preku pli organizacija hem 3) verno hem strplivo te adžikera ki leste. Baš adava kergja o Avakum. Iako ko početok keda počmingja te kerel lafi e Jehovaja sine sekirimo, ko krajo ov sine ohrabrimo hem bahtalo! Ako džaja palo primer e Avakumeskoro, amen da ka ova utešime keda ka osetina sar amaro Dad soj ko nebo, o Jehova, mangipaja gušinela amen. Nane pobari uteha koja so šaj nekoj te del amen ko akava lošno sveto!