Dali vnimatelno čitingjan o broja tari Stražarsko kula akale beršeske? Dikh dali šaj te odgovorine ko akala pučiba:

Sar ka ova nagradime ako odvojnaja amenge vreme te kera lafi e Jehovaja, te šuna le hem te razmislina baši leste?

Ka šaj te ane šukar odluke, ka ove pošukar učiteli, tli vera ka ovel pozorali hem tlo mangipe sprema o Jehova ka bajrol — (w22.01, str. 30-31).

Sar ka pomožinel amenge adava so ka ovel amen doverba ko Jehova hem ko manuša kaste so ov mukhlja te predvodinen?

Amen sikavaja kaj isi amen doverba ko e Jehovaskoro vodstvo agjaar so šunaja o upatstvija kola so dobinaja len preku i organizacija hem o starešine. Ki bari nevolja ka ova spremna te ova poslušna, čak keda ka dobina upatstvija kola so šaj te oven amenge čudna ili nelogična — (w22.02, str. 4-6).

So mislingja o angeli keda vakergja e Zaharijaske bašo „visako ko vasta [e evrejsko upraviteleske] e Zorovaveleske“? (Zah. 4:8-10)

I vizija uveringje e Devleskere narodo kaj iako o nevo hrami izgledinela sine but skromno ov ka ovel završimo hem ka ovel kerdo agjaar sar so mangela o Jehova — (w22.03, str. 16-17).

Sar šaj te ova primer ko keribe lafi? (1. Tim. 4:12)

Keraja ljubezno lafi hem sikavaja poštovanje e javerenge ki služba, giljavaja taro vilo, redovno daja komentarija ko sostanokija, vakeraja o čačipe, ohrabrinaja e javeren amare lafencar hem na ogovorinaja — (w22.04, str. 6-9).

Soske tano vakerdo kaj o karekteristike taro štar zverija soj spomnime ko Daniel 7 poglavje arakhljona ko jekh zvero sar soj vakerdo ko Otkrovenie 13:1, 2?

O zvero taro Otkrovenie 13 poglavje na pretstavinela samo jekhe vlada ili svetsko sila, sar soj o Rim. Akava zvero pretstavinela sa e politička silen kola so vladingje e manušencar ki celo istorija dži akana — (w22.05, str. 9).

Sar šaj te sikava kaj isi amen doverba ki e Jehovaskiri pravda?

Ako nekoj dukhavgja amen ili grešingja amenge, trudinaja amen te na ikera holi hem mukhaja adaja buti e Jehovaske ko vasta. Ov ka cidel sekoja šteta so kergja o grevo — (w22.06, str.10-11).

So na valjani te bistrel jekh phral keda molinela pe ko sostanokija?

Na valjani preku i molitva te del pe sovet e sobranieske ili izvestuvanje. Posebno ko početok taro sostanok na valjani te koristinen pe „but lafija“ (Mat. 6:7) — (w22.07, str. 24-25).

Ko savo način „okola so kergje lošnipe“ ka voskresninen sudibaske? (Jovan 5:29)

Ola nane te oven sudime ki negativno smisla bašo bukja so kergje len angleder, nego agjaar so ka oven procenime ili ispitime bašo bukja so ka keren otkeda ka oven voskresnime — (w22.09, str. 18).

Savo važno pottik dengja o phral Raterford ko kongres so ikergja pe septemvri ko 1922 berš?

Ko jekh kongres ko Sedar Point (Ohajo, SAD) ov vakergja: „Dikhen, o Cari vladinela! Tumenge tani dendi i zadača te vakeren adava sarinenge, adaleske objavinen, objavinen, objavinen e Care hem leskoro Carstvo!“ — (w22.10, str. 3-5).

Sprema Isaija 30 poglavje, ko kola trin načinija pomožinela amenge o Devel radosno te istrajna?

Akava poglavje sikavela kaj o Jehova pomožinela amenge agjaar so 1) vnimatelno šunela amen hem odgovorinela ko amare molitve, 2) vodinela amen hem 3) nagradinela amen akana hem ki idnina — (w22.11, str. 9).

Kotar džanaja kaj o lafija taro Psalm 37:10, 11 hem 29 ispolningje pe ko purano vreme hem ka ispolninen pe ki idnina?

E Davideskere lafija sikavena save bereketija sine e Izraelcon, sar so sine len džikote vladinela sine o Solomon. O Isus kergja lafi bašo raj so ka ovel ki idnina keda citiringja o 11 stiho (Mat. 5:5; Luka 23:43) — (w22.12, str. 8-10, 14).