Sarinen isi amen ograničimo vreme bašo proučibe. Sar šaj najšukar te koristina adava vreme so isi amen? Sar prvo, ma sigjar keda proučinea. But pošukar tano vnimatelno te proučine pohari materijali, nego te proučine baro materijali ki sig.

Palo adava dikh soj tano považno te proučine (Ef. 5:15, 16). Razmislin bašo akala predlogija:

• Čitin i Biblija sekova dive (Ps. 1:2). Šaj te počmine agjaar so ka koristine o raspored čitibaske i Biblija taro sostanok Amaro životo hem služba.

• Spremin tut baši Stražarsko kula hem bašo sostanok Amaro životo hem služba. Spremin tuke komentarija (Ps. 22:22).

• Ako ačhola tut panda vreme, le tari javer da duhovno hrana, sar soj o spisanija baši javnost, o videoklipija hem o statie so ikljona ki jw.org.

• Istražin bašo teme so interesinena tut. Šaj te istražine bašo problemi kolestar so nakhea, bašo nesavo pučibe so isi tut ili baši jekh biblisko tema so mangea te haljove la pošukar. Bašo poviše idee, dikh o delo „Oživej si gi bibliskite nastani“ ki jw.org.