E roditelen isi len bari odgovornost te sikaven pumare čhaven bašo Jehova (Ef. 6:4). E Jehovaskiri organizacija ikalgja but statie, videoklipija hem gilja te šaj te pomožinel e roditelenge. Sar šaj te koristine len te šaj te sikave tle čhaven?

• Doznajn savo materijali tano dostapno. Ki amari internet-stranica jw.org šaj te arakhe sa soj kerdo e čhavenge, sar soj videoklipija hem nešto čitibaske. a Te šaj te arakhe sa akala bukja, dža ko delo rode hem pišin „Čhave“ ili „Tinejdžerija“.

• Birin so ka ovel najšukar tle čhaveske. Ko delo „Čhave“ ili „Tinejdžerija“ šaj te birine videoklipija ili statie so ka odgovorinen tle čhavenge.

• Nakhav vreme tle čhavencar. Ma koristin o videoklipija ili o rabotna listija samo te šaj tle čhave te oven nesar zafatime. Namesto adava, beš lencar hem ker lafi te šaj te pomožine lenge te oven paše e Jehovaja.