SOSKE TANO VAŽNO: O Jehova, o Najbaro Učiteli, dela amenge o najšukar obrazovanie so šaj te ovel amen. Ov sikavela amen sar te živina pošukar amaro životo hem spreminela amen baši jekh but šuži idnina — hem sa adava besplatno! (Isa 11:6-9; 30:20, 21; Ot 22:17). Osven adava, o Jehova sikavela amen sar te vakera e javerenge o haberi so šaj te del len životo (2Ko 3:5).

SAR TE KERA ADAVA:

• Trudin tut te ove ponizno hem ljubezno (Ps 25:8, 9).

• Koristin o obrazovanie taro Jehova so akana dela le tuke, sar na primer, prifatin o zadače taro sostanok „Amaro životo hem služba“.

• Razmislin bašo adava sar šaj panda ki pobari mera te služine e Jehovaske hem ker tuke plani te šaj te ispolnine adava (Fp 3:13).

• Ker žrtve te šaj te phere o uslovija te učestvujne ki nesavi teokratsko škola (Fp 3:8).

DIKH O VIDEOKLIPI O POUKE TARO JEHOVA KERGJE LEN DUHOVNO BARVALE, HEM PALO ADAVA ODGOVORIN KO AKALA PUČIBA:

• Save sine nesave prečke so valjani sine te nakhaven len nesave objavitelija te šaj te oven ki Škola bašo polnovremena objavitelija?

• Savi obuka dobinela pe ki akaja Škola?

• Savi pomoš dobingje nesave phralja hem phenja taro sobranie kote so sine bičhalde palo diplomiribe ki akaja Škola?

• Koj šaj te džal ki Škola bašo polnovremena objavitelija? (kr-MC 189 str.)

• Savi javer obuka šaj te dobine ki e Jehovaskiri organizacija?