Počmindor taro akava berš, ka ovel amen poviše vreme te spremina amen baši Spomen-svečenost. Ako i Spomen-svečenost valjani te ikerel pe ko rabotno dive, adava kurko nane te ovel o sostanok „Amaro životo hem služba“. Ako i Spomen-svečenost valjani te ikerel pe sabota ili nedela, nane te ovel Javno predavanje hem Proučibe i Stražarsko kula. Dali šukar ka koristine adava slobodno vreme? Isto sar so sine ko prvo veko, valjani te keren pe nesave praktična podgotovke bašo akava posebno nastan (Lk 22:7-13; km 3/15, 1 str.). Ama, isto agjaar, valjani te spremina amaro vilo. Sar šaj te kera adava?

• Razmislin kobor tano važno te ove prisutno (1Ko 11:23-26).

• Odvojn vreme te moline tut hem te razmisline bašo tlo odnos e Jehovaja (1Ko 11:27-29; 2Ko 13:5).

• Čitin hem hor razmislin bašo bibliska izveštaija hem statie kolende tano objasnimo soske tano važno akava nastan (Jvn 3:16; 15:13).

Nesave objavitelija spreminena pe baši Spomen-svečenost agjaar so čitinena hem razmislinena bašo izveštaija tari Biblija soj tane dende ki brošurka Sekojdnevno istražuvanje na Pismoto. Javera čitinena o bibliska stihija soj tane dende ki tabela ko akala listija spremibaske. A nesave palem, proučinena statie tari Stražarsko kula kolende kerela pe lafi baši Spomen-svečenost hem bašo mangipe so o Jehova hem o Isus sikavgje le sprema amende. Bizi razlika so ka birine tu, adava neka pomožinel tuke te ove panda popaše e Jehovaja hem leskere Čhavea.