SOSKE TANO VAŽNO: Sekoja publikacija taro glavna publikacie službake ingarela e manušen ki jw.org. Glavno cel e vizit-kartičkakiri hem e traktateskiri Kote te roda odgovorija bašo najvažna pučiba? tani te ingaren e manušen ki jw.org. Preku jw.org šaj nekaske te bičhale ko imejl jekh taro glavna publikacie službake ko elektronsko formati ili link latar. Akava šaj te ovel korisno keda propovedinea nekaske so kerela lafi ki javer čhib. Ponekogaš o manuša pučena pučibe bašo kova so nane odgovor ko glavna publikacie službake. Ako šukar koristinaja i jw.org, ka šaj pošukar te kera i služba.

SAR TE KERA ADAVA:

• Koristin o delo „BIBLISKI UČENJA“. Te pretpostavina kaj svedočinea jekhe roditeleske kova so mangela te džanel nešto poviše bašo adava sar te vospitinen pe o čhave. Dža ko BIBLISKI UČENJA > BRAK I SEMEJSTVO.

• Koristin o delo „PUBLIKACIE“. Te pretpostavina kaj svedočinea neformalno ki škola hem mangea nekaske so učinela tuja te sikave i brošura Odgovorija bašo 10 pučiba so pučena pe o terne. Dža ko PUBLIKACIE > LILA HEM BROŠURE.

• Koristin o delo „AMENGE“. Te pretpostavina kaj svedočinea nekaske so kerela tuja buti kova so mangela kratko te objasnine leske ko so verujnaja. Dža ko AMENGE > NAJČESTA PUČIBA.

DIKH O VIDEOKLIPI ŠUKAR KORISTIN I JW.ORG, HEM PALO ADAVA RAZMISLIN KOTE ŠAJ TE PHRAVE KI INTERNET-STRANICA TE ŠAJ TE POMOŽINE:

• nekaske soj ateisti

• nekaske so doživingja nesavi tragedija

• nesavo phral ili phen so nane aktivno

• nekas so posetinea kova so mangela te džanel sar finansirinela pe amaro delo

• nekas soj tano tari javer phuv kova so mangela te džal ko sostanokija keda ka iranel pe ki pli phuv