Soske e Loteskiri romni irangja pe palal džikote našela sine taro Sodom? I Biblija na vakerela amenge bašo adava (1Mo 19:17, 26). Ama, taro kontekst keda o Isus vakergja akava predupreduvanje dikhjola pe kaj šaj sine lake žal bašo bukja so mukhlja len pali peste (Lk 17:31, 32). Sar šaj te izbegina adava so ulo e Loteskere romnjake hem sar šaj te na našava e Jehovaskiri milost? Na smijnaja te mukha i želba bašo materijalna bukja te ovel amenge najvažno ko životo (Mt 6:33). O Isus vakergja kaj našti te služina hem e Devleske hem e barvalipaske (Mt 6:24). Ama, so ako primetinaja kaj o materijalna bukja ovena amenge považna taro duhovna aktivnostija? Tegani, šaj te molina e Jehova te del amen mudrost te šaj te dikha kola promena valjani te kera, ama isto agjaar te del amen hrabrost hem sila te šaj te kera adala promene.

SETIN TUT KO FILMI TARO TRIN DELIJA SETIN TUT KI E LOTESKIRI ROMNI, HEM ODGOVORIN KO AKALA PUČIBA:

• Sar o pritisok te oven la poviše pare vlijajngja upro e Glorijakoro razmislibe, keribe lafi hem postapke?

• Sar šaj o primer e Loteskere romnjakoro te ovel amenge predupreduvanje avdive?

• Sar pomožingje o bibliska načelija e Džoeske hem leskere familijake?

• Sar e Anakoro društvo ki buti vlijajngja upri lakiri duhovnost?

• Soske valjani amenge hrabrost ako isi amen pritisok te čhiva o pare ko prvo than ko amaro životo?

• Sar o Brajan hem i Glorija uspejngje palem te čhiven o duhovna bukja ko prvo than?

• Kola bibliska načelija tane istaknime ko akava filmi?