Ko plo pismo dži ko Tit, o Pavle pottikningja e terne muršen, maškar ko kola sine o Tit, te trudinen pe ko sekova pogled te oven „primer ko keribe šukar bukja“ (Tit 2:6, 7). Ko isto poglavje, ov pišingja kaj e Jehovaskoro narodo tano čistimo te šaj revno te kerel šukar bukja (Tit 2:14). Jekh taro adala šukar bukja tano o propovedibe hem o sikajbe bašo e Devleskoro Carstvo. Ako sian terno, šaj li te koristine tli sila te služine sar pomošno ili opšto pioneri? (Iz 20:29).

Ako isi tut cel te služine sar pioneri, ker tuke šukar plani kova so ka pomožinel tuke te ispolnine adaja cel (Lk 14:28-30). Na primer, razmislin bašo akala pučiba: „Sar ka grižinav man bašo mle materijalna potrebe džikote služinava polnovremeno? Sar ka ispolninav o saatija so rodena pe?“ Osven adava, molin e Jehova te pomožinel tuke (Ps 37:5). Ker lafi bašo tlo plani tle roditelencar hem nesave iskusna pionerencar. Palo adava ker nešto te šaj te ispolnine tli cel. O Jehova sigurno ka nagradinel adava so revno trudinea tut ki služba baši leste!

DIKH O VIDEOKLIPI TERNE KOLA SO SLAVINENA E JEHOVA, A PALO ADAVA ODGOVORIN KO AKALA PUČIBA:

• Save predizvikija sine nesave ternen so mangle te oven pionerija, hem sar iklile lencar ko krajo?

• Sar šaj o roditelija te pomožinen e čhavenge te oven opšta pionerija?

• Soske tano važno te kere tuke raspored baši služba?

• Sar šaj o objavitelija ko sobranie te ohrabrinen hem te pomožinen e pioneren?

• Save bereketija isi e pioneren?