Sekova sluga e Devleskoro šaj te kerel bukja bašo Jehova kola so ov nikogaš nane te bistrel len. Isto sar jekh roditeli kova so mangela ple čhaven hem na bistrela o šukar bukja kola so kerena len, agjaar o Jehova da nane te bistrel adava so keraja hem o mangipe so sikavaja le sprema leskoro anav (Mt 6:20; Ev 6:10). Džangjola pe, sarinen isi amen različna sposobnostija hem okolnostija. Sepak, ako daja amendar sa te služina e Jehovaske, ka ova bahtale (Ga 6:4; Kol 3:23). Ko berša so nakhle, but amare phralja hem phenja služingje ko Betel. Dali tu da šaj te služine ko Betel? Ako našti, tegani dali šaj te ohrabrine nekas javere te del pe ko raspolaganje baši betelsko služba? Ili, dali šaj te pomožine nekaske so više služinela ko Betel ponadari da te ovel ki akaja posebno služba?

DIKH O VIDEOKLIPI KA ČHIVE TUT LI KO RASPOLAGANJE BAŠI BETELSKO SLUŽBA?, A PALO ADAVA ODGOVORIN KO AKALA PUČIBA:

• So valjani te motivirinel nekas te služinel ko Betel?

• So vakergje nesave phralja hem phenja bašo adava save bereketija angja lenge i betelsko služba?

• Kola tane o uslovija baši betelsko služba?

• Sar šaj te de molba bašo Betel?