SOSKE TANO VAŽNO: Okola so mangena te služinen e Jehovaske ko ispravno način, mora te džanen leskere načelija hem te ikeren pe ki lende (Isaija 2:3, 4). O lil Božjata ljubov, tano dujto lil proučibaske. Ov pomožinela e interesentenge te sikljon sar te ikeren pe ko bibliska načelija (Ev 5:14). Te šaj te oven motivirime te keren promene, džikote sikavaja len, mora te trudina amen te resa dži ko lengoro vilo (Ri 6:17).

SAR TE KERA ADAVA:

• Spremin tut šukar agjaar so ka misline bašo potrebe e interesenteskere. Spremin tuke pučiba so ka pomožinen tut te dikhe so mislinela hem so čuvstvujnela bašo materijali so sikljola le (Iz 20:5; be 259)

• Koristin o ramke ko lil te šaj te pomožine e interesenteske te haljol kobor tano važno te ikeren pe o bibliska načelija

• Pomožin e interesenteske te sikljol te anel odluke agjaar so ka koristinel pli sovest. Ma ane tu odluke leske ko than (Ga 6:5)

• Ko taktično način probin te haljove dali valjani leske pomoš te ikerel pe ko nesave bibliska načelija. Adaleske so mangela e Jehova, ljubezno ohrabrin le te kerel promene (Iz 27:11; Jvn 14:31)