SOSKE TANO VAŽNO: O Jehova kerela o seme e čačipaskoro te bajrol ko vilo e manušenge so dikhena ispravno ko večno životo (De 13:48; 1Ko 3:7). Amen sorabotinaja lea keda ki služba koncentririnaja amen ko manuša so mangena te postapinen sprema adava so sikljona (1Ko 9:26). O interesentija valjani te haljoven kaj, ako mangena te dobinen o spasenie, mora te krstinen pe (1Pe 3:21). Amen pomožinaja lenge te oven učenikija adalea so sikavaja len te keren promene ko plo životo, te propovedinen, te sikaven, hem te vetinen kaj ka služinen e Jehovaske celo životo (Mt 28:19, 20).

SAR TE KERA ADAVA:

• Setinker adalen kolencar so proučinea i Biblija kaj i cel lengiri valjani te ovel šukar te pendžaren e Jehova hem te oven leske poslušna (Jvn 17:3).

• Pomožin len te nakhaven o prečke kola so na mukhena len te napredujnen ko duhovno pogled, na primer, o lošna navike hem o lošno društvo.

• Ohrabrin hem pottiknin len angleder hem palo lengoro krstibe.

DIKHEN O VIDEOKLIPI O JEHOVA KA POMOŽINEL TUT, HEM PALO ADAVA ODGOVORINEN KO AKALA PUČIBA:

• Soske šaj nekoj te daral te del lafi kaj ka služinel e Jehovaske hem ka krstinel pe?

• Sar šaj o starešine te pomožinen e interesentenge te napredujnen ko duhovno pogled?

• So vakerela amenge o Isaija 41:10 bašo Jehova?

• Iako siem nesovršena, kola osobine ka pomožinen amen te služina e Jehovaske ko ispravno način?