SOSKE TANO VAŽNO: O pomazanikija hem o javera bakhre kaninena sa e manušen te len „besplatno taro pani so dela životo“ (Ot 22:17). Akava simbolično pani prestavinela sa adava so o Jehova kergja e poslušno manušenge te šaj te oven oslobodime taro grevo hem taro meribe. Adaleske so o manuša isi len različna običaija hem veruvanja, valjani te trudina amen te razmislina sekaske lično te šaj te vakera o šukar haberi ko način so ka bajrarel interes ki leste (Ot 14:6).

SAR TE KERA ADAVA:

• Birin tema hem stiho kolencar so ka rese dži ko vilo e manušengoro so živinena ko tlo podračje. Šaj te birine nesave taro predlogija bašo razgovor ko listija spremibaske ili, palem, nesavi tli prezentacija kolaja so sine tut uspeh. Kola teme hem stihija tane interesna e manušenge? Dali slučingja pe nesavo nastan bašo kova so o manuša razmislinena hem kerena lafi? So šaj te interesinel e muršen, a so e džuvlen?

• Pozdravin e stanare ko način soj voobičaeno ko tlo podračje hem keda kerea lea lafi le ko predvid o običaija taro adava than (2Ko 6:3, 4)

• Šukar pendžar i sodržina taro publikacie hem videoklipija kola soj tane delo taro amare glavna publikacie službake te šaj te koristine len keda nekoj ka sikavel interes

• Perav ko tlo ured publikacie hem videoklipija ki čhib so kerena lafi ko tlo podračje

• Prilagodin tli prezentacija agjaar so ka razmisline bašo stanari (1Ko 9:19-23). Na primer, so šaj te vakere leske ako doznajnea kaj sigende mulo lestar nekoj so sine leske paše?

DIKH O VIDEOKLIPI, A PALO ADAVA ODGOVORIN KO AKALA PUČIBA:

• Ki koja tema o objaviteli počmingja razgovor e stanarea?

• So slučinela pe sine ko životo e stanareske?

• Kova stiho najviše odgovorinela sine ki akaja situacija, hem soske?

• Sar tu prilagodinea tli prezentacija te šaj te bajrare o interes e manušengoro ko tlo podračje?