Dali isi tut maškar 23 hem 65 berš hem sian ki polnovremeno služba? Dali isi tut šukar sastipe, hem dali šaj te služine ko thana kote so isi pobari potreba? Ako tlo odgovor tano oja, dali razmislingjan te de i molba baši Škola bašo polnovremena objavitelija? Panda taro prvo klasi, but bračna parija hem phralja hem phenja so nane ko brako dengje i molba. Sepak, valjani amenge poviše biženime phralja te den i molba. Molin e Jehova te bajrarel tli želba te kere leskiri volja hem te dža palo leskere Čhaveskoro primer (Ps 40:8; Mt 20:28; Ev 10:7). Palo adava, razmislin dali isi tut nesave obvrske, sar soj familijarna odgovornostija, buti ili borči hem dali šaj te kere nesave promene ki lende te šaj te ispolnine o uslovija baši škola.

Ko save načinija hem ko kola thana šaj te služinen adala so dobingje obuka ki škola? Nesave lendar sine bičhalde te služinen ko podračja kote so kerela pe lafi ko javera čhibja ili te učestvujnen ki posebno programa svedočibaske ko prometna thana. A javera služinena sar zamenikija e pokrainsko nadglednikoske, sar pokrainska nadglednikija, ili sar misionerija ko podračje. Džikote razmislinea ko save načinija šaj te služine e Jehovaske, šaj isi tut o isto stavi sar o proroko o Isaija kova so vakergja: „Ake sium me! Bičhal man!“ (Isa 6:8).

DIKH O VIDEOKLIPI MISIONERIJA —  RABOTNIKIJA KI ŽETVA, A PALO ADAVA ODGOVORIN KO AKALA PUČIBA:

• Sar birinena pe misionerija?

• Savi šukar buti kerena o misionerija?

• Kola tane nesave bereketija tari misionersko služba?