TE ŽIVINA SAR HRISTIJANJA
Ker pošukar i služba — keda te čhinave nesavo biblisko kursi
SOSKE TANO VAŽNO: Te šaj te oven spasime, o manuša mora te vikinen e Jehovaskoro anav (Ri 10:13, 14). Ama, iako nesave mangena te sikljoven tari Biblija, nane spremna te živinen sprema e Jehovaskere merilija. Adaleske, najšukar ka koristina amaro vreme ako ki služba pomožinaja adalenge so čače tane spremna te keren promene ko pumaro životo te šaj te ugodinen e Jehovaske. Ako jekh interesenti na sikavela napredok palo nesavo odredeno vreme, ka ovel mudro te čhinava te proučina lea hem te koncentririna amen ko adala so o Jehova privlekujnela len ki peste hem ki pli organizacija (Jvn 6:44). Džangjola pe, ako palo nesavo vreme adava manuš počminela te kerel promene hem agjaar sikavela kaj ispravno dikhela „ko večno životo“, ka ovel amenge milo palem te počmina te proučina lea (De 13:48).
SAR TE KERA ADAVA:
-
Pofalin e interesente bašo adava so mangela te sikljol baši Biblija (1Ti 2:4).
-
Istaknin kobor tano važno te ikerel pe ko adava so siklilo (Lk 6:46-49).
-
Ko jekh ljubezno način objasnin i sporedba e Isuseskiri bašo sejači, hem pottiknin le te razmislinel so čhinavela le ko životo te kerel promene (Mt 13:18-23).
-
Taktično objasnin leske soske nane poviše te proučinen
-
Vaker leske kaj ponekogaš ka javine tut leske ili ka posetine le te šaj te ohrabrine le, hem kaj ki idnina ka šaj palem te proučinen ako počminela te kerel promene ko plo životo
DIKH O VIDEOKLIPI, HEM PALO ADAVA ODGOVORIN KO AKALA PUČIBA:
-
Sar taro akava razgovor dikhela pe kaj o interesenti nane le napredok ko duhovno pogled?
-
Sar o objaviteli pomožingja e interesenteske te haljol kaj valjani te kerel promene?
-
Sar o objaviteli sikavgja kaj mangela o biblisko kursi te prodolžinel ki idnina?