Keda ka dikhe o zvezde ko nebo, nesavi šuži luludi ili keda ka dikhe nesavo šužo vodopad, dali dikhea kaj kergja nekoj sa akala šuže bukja? O osobine e Jehovaskere dikhena pe ko adava so stvoringja (Ri 1:20). Ako odvojnaja vreme te razmislina bašo adava so dikhaja, ka šaj te dikha i mokj, o mangipe, i mudrost, i pravda hem i darežlivost amare Stvoriteleskiri (Ps 104:24).

Kola taro bukja so kergja len o Jehova dikhea len sekova dive? Čak ako živinea ki bari diz, šaj te dikhe čiriklja hem kašta. Ako šukar dikhaja o bukja so kergja len o Jehova, adava ka pomožinel amenge te na ova but sekirime, te koncentririna amen ko považna bukja hem te bajrara amari doverba kaj o Jehova ka grižinel pe amenge ki celi večnost (Mt 6:25-32). Ako isi tut čhave, pomožin len ola da te dikhen o šukar osobine e Devleskere. Kobor poviše ceninaja o bukja soj stvorime doborom popaše ovaja e Stvoritelea (Ps 8:3, 4).

DIKH O VIDEOKLIPI O ČUDIJA E STVORIBASKERE SIKAVENA E DEVLESKIRI SLAVA — I SVETLINA HEM O BOE, HEM PALO ADAVA ODGOVORIN KO AKALA PUČIBA:

• Soske šaj te dikha razna boe?

• Soske nesave boe mešinena pe?

• Soske ko nebo šaj te dikhen pe razna boe?

• Kola privlečna boe ko bukja so kergja len o Jehova dikhljan len ki tli okolina?

• Soske tano važno te odvojna vreme te dikha i priroda?