Save problemencar borinea tut sekova dive? Dali sian familijarno poglavari so isi le but obvrske? Dali valjani korkori te bajrare tle čhaven hem edvaj uspejnea te ikljove ko krajo adalea? Dali sian terno hem soočinea tut maltretiribaja ki škola taro tle součenikija? Dali isi tut problemija e sastipaja hem sian ko phure berša? Sekova jekh amendar borinela pe nesave problemencar. But hristijanja, ko isto vreme soočinena pe poviše problemencar. Sepak, džanaja kaj panda hari o Jehova ka oslobodinel amen taro sa o problemija (2Ko 4:16-18).

Džikote avela adava vreme, utešno tano so džanaja kaj o Jehova džanela taro so nakhaja hem kaj ceninela amari vernost hem istrajnost hem kaj ka del amen but bereketija (Ere 29:11, 12). O Isus da tano zainteresirimo sekole jekheske amendar. Ov uverinela amen kaj ka ovel amencar džikote keraja amare hristijanska odgovornostija (Mt 28:20). Keda odvojnaja vreme hem hor razmislinaja baši sloboda koja so adžikerela amen ki idnina keda ka vladinel e Devleskoro Carstvo, amari nadež ovela pozorali hem rešime siem te istrajna ko nevolje (Ri 8:19-21).

DIKH O VIDEOKLIPI DŽIKOTE AVELA SA POPAŠE I BURA, TE NA CIDA AMARE JAKHJA TARO ISUS! — BEREKETIJA SO KA ANEL E DEVLESKORO CARSTVO, A PALO ADAVA ODGOVORIN KO AKALA PUČIBA:

• Sar o manuša cidingje pe taro Devel hem kola sine o posledice?

• Savi idnina adžikerela okolen soj tane verna e Jehovaske?

• Soske šaj te ovel amen asavki šuži idnina?

• Kola bereketija edvaj adžikerea ko nevo sveto?