Isto sar so organiziringja e Izraelcon ko purano vreme, o Jehova organizirinela amen da avdive te šaj te kera i zadača so dengja amen. O podružnice, o pokraine, o sobranija hem o grupe propovedibaske, ko celo sveto sorabotinena zaedno te šaj te propovedinel pe o šukar haberi. Propovedinaja sekaske, čak okolenge so kerena lafi ki javer čhib (Ot 14:6, 7).

Dali razmislingjan te sikljove javer čhib te šaj te pomožine nekaske te doznajnel o čačipe? Čak ako nane tut dovolno vreme te sikljove nevi čhib, šaj te sikljove nesavi ednostavno prezentacija ki nesavi čhib. Džikote koristinea ki služba i prezentacija, ka ove bahtalo isto sar o phralja so sine ko prvo veko keda manuša taro javera phuvja sine vooduševime so šungje ki pli čhib bašo mokjna bukja so kergja o Devel (De 2:7-11).

DIKH O VIDEOKLIPI KER POŠUKAR I SLUŽBA — PROPOVEDIBE KO PODRAČJE KOTE SO KERENA LAFI KO POVIŠE ČHIBJA, A PALO ADAVA ODGOVORIN KO AKALA PUČIBA:

• Sar šaj te spremine tut te propovedine ko than kote so kerela pe lafi ko poviše čhibja?

• Ko save čhibja kerena o manuša lafi ko tlo podračje?

• So valjani te kere ako nekoj so kerela lafi ki javer čhiv sikavela interes bašo šukar haberi? (od-MC 100-101, pas. 39-41).