O Samoil ačhilo verno e Jehovaske celo plo životo. Panda taro tiknipe ov na sine sar o Ofni hem o Fines, e Ilijeskere rumime čhave (1Sa 2:22-26). O Samoil džikote bajrola sine, o Jehova sine lea (1Sa 3:19). Keda phurilo, ov ponadari da verno služingja e Jehovaske, iako leskere čhave na kergje adava (1Sa 8:1-5).

So šaj te sikljova taro e Samoileskoro primer? Ako sian terno, ov sigurno kaj o Jehova džanela save predizvikija isi tut hem sar osetinea tut? Ka pomožinel tuke te ove hrabro (Isa 41:10, 13). Ako sian roditeli hem to čhavo na služinela e Jehovaske, šaj te utešinel tut adava so o Samoil na čhivgja silaja ple vozrasna čhaven te ačhoven verna e Jehovaske. Džikote mukhlja o bukja e Jehovaske ko vasta, ov ponadari da ačhilo verno hem kergja e Jehovaskiri volja. Tumaro šukar primer šaj te pottikninel tumare čhave te iranel pe ko Jehova.

DIKH O KLIPI SO SIKLJOVAJA LENDAR — SAMOIL, A PALO ADAVA ODGOVORIN KO AKALA PUČIBA:

• Sar o Samoil sikavgja hrabrost keda sine tikno?

• Sar o Deni sikavgja hrabrost?

• Sar o Samoil sine šukar primer keda sine pophuro da?

• Sar e Deniskere roditelija dengje šukar primer?