Soske te spremine tut? Šaj iznenadeno te avel dži ko itno medicinsko slučaj ili te ačhove ki bolnica. Adaleske angleder te ovel nesavo itno slučaj, spremin tut te šaj te dobine i najšukar medicinsko nega. Agjaar sikavea kaj poštujnea o životo hem e Jehovaskoro zakoni bašo rat (De 15:28, 29).

So šaj te kere?

• Molin tut hem vnimatelno pher i kartička Trajno polnomoštvo za zdravstvena griža (TP). a O krstime objavitelija šaj te len taro phral soj ki literatura i TP kartička peske, a isto agjaar i kartička Legitimacija (ic) pumare maloletna čhavenge

• Ako sian khamni, rode taro starešine te den tut o formulari Informacii za idni majki (S-401). Akava formulari šaj te pomožinel tuke te ane šukar odluke ko nesave medicinska situacie so šaj te pojavinen pe džikote sian khamni ili ko bijanibe

• Ako valjani tuke medicinsko tretmani ili valjani te ačhove ki bolnica, vaker angleder adava e starešinenge hem vaker e doktorenge ki bolnica kaj mangea te posetinel tut pretstavniko taro e Jehovaskere svedokija

Sar šaj te pomožinen o starešine? Ola šaj te pomožinen tuke te phere i TP kartička. Ama, o starešine nane te anen odluke tuke ko than ili te vakeren plo lično mislenje bašo bukja so valjani tu korkori te odlučine (Ri 14:12; Ga 6:5). Ako vakerea e starešinenge kaj valjani tuke medicinsko tretmani kote so šaj ka valjani rat, ola sigate ka kontaktirinen o Odbor bašo kontakt maškar o doktorija hem o pacientija (Odbor bašo kontakt).

Sar šaj te pomožinel o Odbor bašo kontakt? O phralja so služinena ko akava Odbor obučime tane te pomožinen e doktorenge hem e pravnikonge te haljoven amaro stavi bašo rat. Ola šaj te keren lafi e doktorencar bašo medicinska tretmanija kote so na priminela pe rat. Ako valjani, ola šaj te pomožinen tuke te arakhe doktori so ka prifatinel tlo stavi bašo rat.

DIKH O KLIPI SAR TE ANEL PE MUDRA ODLUKE BAŠO RAT, A PALO ADAVA ODGOVORIN KO AKAVA PUČIBE:

• Sar šaj akava videoklipi te pomožinel tuke te ove spremno bašo itno medicinsko slučaj kote soj vklučimo o rat?

  Tlo odgovor