Mangaja te ugodina e Jehovaske ko sa so keraja (Iz 27:11). Te šaj te kera adava, valjani te ana odluke kola so ka sikaven kaj razmislinaja sar leste čak keda nane konkretno zapoved baši nesavi situacija. So šaj te pomožinel amen te kera adava?

Redovno proučin i Biblija. Sekova puti keda čitinaja i Biblija, adava tano sar te phene nakhavaja vreme e Jehovaja. Šaj te sikljova sar o Jehova razmislinela adalea so ka dikha sar ov postapingja ple narodoja, a isto agjaar ako dikhaja o primerija taro manuša so postapingje ispravno ili pogrešno anglo leskere jakhja. Keda valjani te ana odluke, o sveti duh ka setinkerel amen ko važna pouke hem načelija so siklilem len tari Biblija (Jvn 14:26).

Istražin. Keda valjani te ane odluke, puč tut: „Kola stihija ili izveštaija tari Biblija šaj te pomožinen mange te haljovav so mislinela o Jehova baši adaja buti?“ Molin tut e Jehovaske te pomožinel tut hem koristin o alatke istražibaske so isi ki tli čhib te šaj te arakhe hem te primenine o bibliska načelija so važinena ki tli situacija (Ps 25:4).

DIKH O KLIPI VALJANI „ISTRAJNO TE PRASTA“ — HA ZDRAVO HRANA, A PALO ADAVA ODGOVORIN KO AKALA PUČIBA:

• Save pritisokija sine e terne phenja?

  Tlo odgovor

• Sar šaj o alatke istražibaske te pomožinen tuke keda sian ko slična situacie?

  Tlo odgovor

• Savi korist isi amen keda anaja šukar odluke adaleske so odvojngjem amenge vreme te istražina hem te proučina? (Ev 5:13, 14).

  Tlo odgovor