Ki Propoved ki gora, o Isus vakergja: „Čhinaven te sekirinen tumen bašo tumaro životo“ (Mt 6:25, fus.). Adaleske so siem nesovršena hem živinaja ko sveto kote so vladinela o Satana, normalno tano te sekirina amen. Ama, o Isus sikavgja pe učenikon kaj na valjani preterano te sekirinen pe (Iz 12:25). Soske? Ako siem preterano sekirime, čak bašo najosnovna bukja, tegani adava šaj te lel amaro vnimanie, hem te ovel amenge popharo te čhiva o Carstvo ko prvo than (Mt 6:33). E Isuseskiri zapoved ka pomožinel amen te na sekirina amen preterano.

• Mt 6:26 — So šaj te sikljova taro čiriklja? (w16.07 9-10 str., 11-13 pas.)

• Mt 6:27 — Soske šaj te vakera kaj, ako sekirinaja amen preterano, adava šaj te lel amaro vreme hem sila? (w05 1/11 22 str., 5 pas.)

• Mt 6:28-30 — So šaj te sikljova taro lulugja ko pole? (w16.07 10-11 str., 15-16 pas.)

• Mt 6:31, 32 — Ko kola načinija o hristijanja tane porazlična taro javera manuša? (w16.07 11 str., 17 pas.)

Bašo so mangava te čhinavav te sekirinav man?