DE TUTAR SA KI SLUŽBA | OV POBAHTALO KI SLUŽBA

Trudin tut te rese dži ko vilo

MUKH

I poslušnost sprema o Devel avela taro vilo (Iz 3:1). Adaleske keda sikavaja, valjani te resa dži ko vilo okolengoro so šunena amen. Sar?

Ma sikav e interesente samo bibliska čačipa, nego pomožin leske te haljovel sar adala čačipa vlijajnena ko leskoro životo hem ko leskoro amalipe e Jehovaja. Pomožin leske te haljovel sar o bibliska merilija sikavena e Devleskoro mangipe, šukaripe hem pravda. Puč le taktična hem ljubezna pučiba kola so ka pomožinen leske te vakerel sar osetinela pe bašo adava so siklilo. Pomožin leske te razmislinel bašo adava sar leskoro životo ka ovel pošukar ako meninela nesave lošna stavija ili navike. Keda dikhea kaj o interesenti iskreno mangela e Jehova, ka ove panda pobahtalo.

DIKH O VIDEOKLIPI OV BAHTALO DŽIKOTE KEREA UČENIKIJA — KER POŠUKAR I SLUŽBA: TRUDIN TUT TE RESE DŽI KO VILO, A PALO ADAVA ODGOVORIN KO AKALA PUČIBA:

Soske i Nita pučlja e Džejda: „So mislinea bašo adava so kergjem lafi ponedelnik?“
Sar i Nita pomožingja e Džejdake te haljovel sar o bibliska merilija sikavena kaj o Jehova mangela la?
Ako trudinaja amen te resa dži ko vilo e interesenteskoro, ka ovel pottiknimo te napredujnel

Sar i Nita pomožingja e Džejdake te sikavel kaj mangela e Devle?