Ko masek septemvri ka da amendar sa te nudina bibliska kursija sekole manušeske agjaar so ka koristina i brošura Ov bahtalo zasekogaš. O objavitelija šaj te birinen te oven pomošna pionerija 30 saatencar. Sar ka kera akaja posebno akcija?

• Keda kerea lafi prvo puti: Koristin i paluni strana tari brošura te šaj te bajrare o interes e manušengoro, hem probin te sikave sar šaj te počminel pe biblisko kursi. Isto agjaar, ma bistre te dža ko okola so sikavgje interes angleder hem ko tle povtorna posete. Čak adala so odbingje angleder te proučinen, šaj ka interesinel len o nevo način sar proučinela pe hem i brošura. I brošura na valjani te mukhel pe ako nane o manuša khere ili te bičhalel pe preku pismo okolenge so angleder na sikavgje interes. O Odbor e sobranieskoro šaj te organizirinel javera da sostanokija službake ko adava masek.

• Ko javera prilike: Ako tlo sobranie koristinela količke propovedibaske, neka ovel izložimi i brošura Ov bahtalo zasekogaš. Vaker okolenge so sikavgje interes kaj zaedno e brošuraja šaj te ovel len besplatno biblisko kursi. Sikav kratko sar izgledinela jekh biblisko kursi džikote kerea e manušea lafi, ili dogovorin tut te kere adava ki javer prilika. O nadgledniko baši služba šaj te organizirinel o iskusna objavitelija te džan ko delovna podračja hem te nudinen bibliska kursija. Isto agjaar, šaj te nudine biblisko kursi tle kolegenge ki buti ili e manušenge džikote svedočinea neformalno.

O Isus dengja amen zapoved te kera učenikija hem te sikava len (Mt 28:19, 20). Akaja posebno akcija šaj te pomožinel amen te ispolnina akaja zadača agjaar so ka koristina i brošura Ov bahtalo zasekogaš.