Ki Biblija isi but primerija taro molitve kolende so o Jehova odgovoringja. Keda e Devleskere sluge dikhle sar o Jehova šungja lengere molitve keda sine len problemija hem sar pomožingja lenge, lengiri vera sine zajaknimi. Adaleske, šukar tano te ova konkretna keda molinaja amen hem tegani te trudina amen te dikha sar o Jehova odgovorinela amenge. Ma bistre kaj o odgovor šaj te ovel različno ili nešto poviše taro adava so očekujngjan (2Ko 12:7-9; Ef 3:20). So šaj te del amen o Jehova sar odgovor ko amare molitve?

• Fizičko, emocionalno, ili duhovno sila te šaj te ikljova ko krajo e problemea (Fp 4:13)

• Mudrost te ana šukar odluke (Jk 1:5)

• Želba hem sila te kera nešto (Fp 2:13)

• Mir keda siem sekirime (Fp 4:6, 7)

• Fizičko hem emocionalno poddrška taro javera (1Jo 3:17, 18)

• Pomoš okolenge kaske so molinaja amen (De 12:5, 11)

DIKH O KLIPI „O JEHOVA TANO „ADAVA SO ŠUNELA O MOLITVE“, A PALO ADAVA ODGOVORIN KO AKALA PUČIBA:

• Sar šaj o primer e phraleskoro Šimicu te ohrabrinel amen keda našti te kera poviše adaleske so siem nasvale?

• Sar šaj te dža palo primer e phraleskoro Šimicu?