TE ŽIVINA SAR HRISTIJANJA
Branimo hem zakonsko potvrdimo amaro pravo te propovedinel pe
Keda o protivnikija probingje te čhinaven e Izraelcon te gradinen o hrami, o graditelija kergje sa so sine potrebno te šaj te dobinen zakonsko pravo te prodolžinen e bukjaja (Ezr 5:11-16). Slično agjaar, o hristijanja avdive da kerena sa soj potrebno te šaj te braninel pe hem zakonsko te potvrdinel pe o pravo te propovedinen o šukar haberi (Fp 1:7). Adaleske, ko 1936 berš, sine kerdo Pravno oddelenie ko glavno sedište. Avdive, o Pravno oddelenie ko glavno sedište grižinela pe te šaj te oven branime o pravija so isi amen sar e Jehovaskere svedokija. Sar akava oddelenie pomožingja te keren pe o propovednička aktivnostija hem sar adava koristingja e Devleskere narodoske?
DIKH O VIDEOKLIPI POSETA KO PRAVNO ODDELENIE KO GLAVNO SEDIŠTE, A PALO ADAVA ODGOVORIN KO AKALA PUČIBA:
-
Save problemija e zakonea sine e Jehovaskere svedokon?
-
Save pravna pobede dobingjem? Vaker primer.
-
Sar šaj sekova jekh amendar te pomožinel te braninel pe hem zakonsko te potvrdinel pe o pravo te propovedinel pe o šukar haberi?
-
Kote šaj ko nesave čhibja ki amari internet-strana te arakha informacie bašo pravna slučaija soj povrzime e Devleskere narodoja hem spisako taro e Jehovaskere svedokija soj tane ko zatvor baši pli vera?
