SOSKE TANO VAŽNO: Keda lično proučinaja e Devleskoro Lafi adava pomožinela amenge celosno te haljova „kobor tano buvlo, dugačko, učo hem hor o čačipe“ (Ef 3:18). Adava pomožinela amenge te ačhova besprekorna hem čista ko akava rumimo sveto hem cvrsto te ikera amen ko „lafi e životoskoro“ (Fp 2:15, 16). Keda korkori proučinaja e Devleskoro Lafi, šaj te birina amenge materijali soj tano lično amenge potrebno. Sar šaj te ovel amen pobari korist taro čitibe hem proučibe i Biblija?

SAR TE KERA ADAVA:

• Beležin o stihija hem ker tuke beleške ki tli Biblija, bizi razlika dali ko pečatimo ili ko elektronsko formati.

• Džikote čitinea e Devleskoro Lafi, puč tut akala pučiba: Koj? So? Keda? Kote? Soske? Sar?

• Doznajn poviše informacie. Koristin o alatke istražibaske so isi tut, hem rode sprema i tema ili sprema o biblisko stiho.

• Razmislin bašo adava so čitinea te šaj te haljove sar šaj te koristinel tuke.

• Primenin adava so sikljovea (Lk 6:47, 48).

DIKH O VIDEOKLIPI CVRSTO IKER TUT KO „LAFI E ŽIVOTOSKORO“ — TEMELNO PROUČIN, HEM PALO ADAVA ODGOVORIN KO AKALA PUČIBA:

• So vakerena nesave bašo lično proučibe?

• Soske tano važno sekogaš keda mangaja te proučina prvo te molina amen?

• So šaj te pomožinel amenge pošukar te haljova nesavo biblisko stiho?

• Sar šaj te beležina nesave stihija ki amari Biblija?

• Soske tano važno hor te razmislina džikote proučinaja i Biblija?

• So valjani te kera otkeda ka sikljova nešto?