I JW Library tani besplatno aplikacija kolaja ka šaj ko tlo telefoni, tableti ili kompjuteri te perave i Biblija hem javera publikacie, videoklipija hem audiosnimke.

SAR TE INSTALIRINE LA: Dža ko Internet hem instalirin i JW Library tari prodavnica bašo aplikacie. Akaja aplikacija tani dostapno bašo različna uredija. Džikote sian ko Internet, phrav i aplikacija hem birin o publikacie so mangea te perave len. Ako nane tut Internet khere, šaj te koristine o Internet ki dvorana (ako isi), ki nesavi biblioteka ili thana kote so isi besplatno Internet. Ka šaj te phrave o publikacie so peravgjan len čak keda nane tut Internet. Adaleske so ko JW Library redovno čhivena pe neve bukja hem opcie, šukar tano ponekogaš te dža ko Internet hem te kere apdejt baši aplikacija.

SOSKE TE INSTALIRINE LA? Akaja aplikacija tani but praktično baši lično studija hem bašo sostanokija. Isto agjaar, korisno tani baši služba, posebno keda svedočinea neformalno.