Spored e Mojsejeskoro zakoni, okova so mangela sine te razvedinel pe tari pli romni valjani sine te spreminel pravno dokumenti. Adava kerela pe sine te šaj o manuša te na anen sigate odluke te razvedinen pe. Ama, ko vreme e Isuseskoro, o verska vodačija kergje o manuša polokhe te aven dži ko razvod. O rom šaj sine te razvedinel pe tari pli romni baši bilo savi pričina (nwtsty poviše informacie bašo Mr 10:4, 11). O Isus istakningja kaj o Jehova tano adava so kergja o brako (Mr 10:2-12). O rom hem i romni valjani sine te oven „jekh telo“ hem o brako valjani sine te ovel trajno vrska. Spored o paralelno izveštaj taro Matej, edinstveno biblisko pričina bašo razvod tani i preljuba (Mt 19:9).

Avdive, but manuša ko brako dikhena sar o fariseija, a na sar o Isus. Samo so počminena te oven len problemija, o manuša ko sveto odma rodena razvod. Ama, o hristijanja ko bračno zavet dikhena but seriozno, hem trudinena pe o problemija te rešinen len spored o bibliska načelija. Dikhen o videoklipi O mangipe hem o poštovanje kerena i familija te ovel jekh, hem palo adava diskutirinen bašo akala pučiba:

• Sar šaj o lafija taro Izreki 15:1 te pomožinen tuke ko brako, hem soske akava tano važno?

• Sar o lafija taro Izreki 19:11 šaj te pomožinen tut te izbegine nesave problemija?

• Ako tlo brako visinela ko thav, namesto te razmisline bašo razvod, kola pučiba valjani te puče tut?

• Sar o lafija taro Matej 7:12 šaj te pomožinen tut te ove pošukar bračno partneri?