Sar so avaja sa popaše ko krajo taro „posledna dive“, ka oven amen sa pobare problemija (2Ti 3:1; Mt 24:8). Keda e Jehovaskoro narodo soočinela pe katastrofencar, često dobinena upatstvija ko vreme so šaj te spasinen lengoro životo. Dali ka preživina tegani, zavisinela taro adava dali siem poslušna hem dali spreminaja amen panda akana — sar ko duhovno, agjaar ko fizičko pogled (Lk 16:10).

• Spremin tut ko duhovno pogled: Neka ovel tut šukar rutina. Sikljov te kere i služba ko različna načinija. Ma voznemirin tut ako momentalno sian odvojmo taro sobranie (Isa 30:15). Tu nikogaš na sian izolirimo taro Jehova hem taro Isus (od-MC 176, pas. 15-17).

• Spremin tut ko fizičko pogled: Osven o rancija, sekova kher valjani te ovel le ki razumno količina rezerve taro hajbe, pani, medicinska bukja hem slično. Akala bukja šaj te zaštitinen e manušen bašo poviše vreme ako isi potreba te ačhoven khere ili ko nesavo javer than (Iz 22:3; g17.5-MC 4, 6).

DIKH O VIDEOKLIPI DALI SIAN SPREMNO BAŠI PRIRODNO KATASTROFA?, A PALO ADAVA PUČ:

• Sar šaj te spremina amen ko duhovno pogled bašo katastrofe?

• Soske valjani...

  • te ovel amen šukar komunikacija e starešinencar?

  • te spremina ranco bukjencar so ka oven amenge potrebna?

  • te kera lafi bašo adava so ka kera ako doživinaja nesavi katastrofa?

• Ko kola trin načinija šaj te pomožina okolenge so doživingje katastrofa?

PUČ TUT: „So šaj te sikljovav tari pandemija KOVID-19 bašo adava kobor tano važno angleder te ovav spremno baši katastrofa?“