TE ŽIVINA SAR HRISTIJANJA
Kontrolirin tle želbe
Sar nesovršena manuša, mora postojano te borina amen te šaj te kontrolirina amare želbe. Ako keraja sa so mangaja, šaj te našava e Jehovaskiri milost. Na primer, nesave dozvolinena i želba bašo osnovna bukja ko životo te ovel pobari taro lengoro mangipe sprema o Devel. Nesave zadovolinena ple seksualna želbe agjaar so na ikerena pe ko e Devleskere merilija (Ri 1:26, 27). A nesave dozvolinena o javera te vlijajnen upri lende te keren lošna bukja te šaj te oven prifatime lendar (2Mo 23:2).
Sar šaj te kontrolirina amare želbe? Valjani te da amendar sa te kera adava so mangela o Jehova (Mt 4:4). Isto agjaar, šaj te molina e Jehova te pomožinel amenge te kontrolirina amare želbe. Soske? Adaleske so ov džanela soj tano najšukar amenge hem džanela sar te zadovolinel amare ispravna želbe (Ps 145:16).
DIKH O KLIPI MA MUKH O PUŠIBE TE SKRATINEL TLO ŽIVOTO, A PALO ADAVA ODGOVORIN KO AKALA PUČIBA:
-
Soske nesave manuša pušinena?
-
So šaj te kerel o pušibe tuke?
-
Soske tano pogrešno o pušibe? (2Ko 7:1).
-
Sar šaj te vakere „na“ bašo pušibe pa čak te čhinave akale navikaja?