Sar so avela popaše o krajo akale svetoskoro, očekujnaja te oven sa poviše gragjanska nemirija, terorizam hem vojne (Ot 6:4). Sar šaj te ova spremna bašo asavke bukja?

• Spremin tut duhovno: Rode bibliska načelija hem izveštaija kola so ka bajraren tli doverba ko Jehova hem ki lesiri organizacija, hem ka pomožinen tut te ačhove neutralno (Iz 12:5; jr-MC 125-126, pas. 23-24). Akana tano vreme te ova panda popaše amare phralencar hem phenjencar taro sobranie (1Pe 4:7, 8).

• Spremin tut fizički: Neka ovel tut plani kote šaj te garave tut ako našti te ikljove kheral hem neka oven tut dovolno rezerve taro hajbe hem taro javera potrebna bukja. Isto agjaar, ker plani so ka kere ako valjani te napuštine tlo kher. Proverin so isi tut ko ranco bašo katastrofe, isto agjaar čhiv pare hem zaštitno oprema, sar soj rukavice hem maske. Neka ovel tut e starešinengere broja te šaj te kontaktirine len hem de lenge tle najneve podatokija te šaj ola da te kontaktirinen tuja (Isa 32:2; g17.5-MC 3-7).

Džikote isi nemirija iker tli duhovno rutina (Fp 1:10). Ma dvižin tut ko nesave thana osven ako isi potreba (Mt 10:16). Delin e javerencar hrana hem javera bukja (Ri 12:13).

DIKH O KLIPI DALI SIAN SPREMNO BAŠI PRIRODNO KATASTROFA, A PALO ADAVA ODGOVORIN KO AKALA PUČIBA:

• Sar šaj o Jehova te pomožinel amenge keda isi katastrofe?

• Save praktična bukja valjani te kera te šaj te ova spremna?

• Sar šaj te pomožina e javeren soj tane pogodime taro katastrofe?