27 maj — 2 juni
PSALMI 42 — 44
Gili 86 hem molitva | Uvodna lafija (1 min.)
1. Neka ovel tut celosno korist taro e Devleskere pouke
(10 min.)
Koristin o prilike te obožavine e Jehova zaedno e javerencar, adalea so ka trudine tut te ove fizički prisutno ako šaj (Ps 42:4, 5; w06-MC 1/6 9, pas. 4)
Molin tut angleder te proučine e Devleskoro Lafi (Ps 42:8; w12-MC 15/1 15, pas. 2)
Mukh i Biblija te vodinel tut ko sa so kerea ko životo (Ps 43:3)
O pouke so dobinaja len taro Jehova dena amen i sila so valjani amenge te šaj te ikljova ko krajo e problemencar hem te živina sprema adava so dengjem lafi kaj ka služina e Devleske (1Pe 5:10; w16.09-MC 5, pas. 11-12).
2. Duhovna biserija
(10 min.)
-
Ps 44:19 — So šaj značinena o lafija „o than kaj so khedena pe o šakalija“? (w06-MC 1/6 8, pas. 5)
-
Kola duhovna biserija taro čitibe i Biblija akale kurkeske mangea te vakere len?
3. Čitibe i Biblija
(4 min.) Ps 44:1-26 (th lekcija 11)
4. Te počmina razgovorija
(4 min.) TARO KHER KO KHER. Nudin biblisko kursi. (lmd lekcija 5: točka 5)
5. Te kera povtorna posete
(5 min.) TARO KHER KO KHER. Kanin e stanare ko javno govor. Ker uvod bašo videoklipi So kerela pe ki e Jehovaskiri svedokongiri dvorana?, a palo adava keren lafi baši leste (ma mukh o klipi). (lmd lekcija 7: točka 5)
6. Govor
(3 min.) lmd dodatok A: točka 4 — Tema: Sekole manuše ka ovel le sovršeno sastipe. (th lekcija 2)
Gili 21
7. Mudro birin savi buti ka kere hem savi škola ka završine
(15 min.) Diskusija.
Ternalen, dali planirinena so ka keren otkeda ka završinen i sredno škola? Šaj isi tut ki godi so buti ka kere kolaja so šaj te ove pioneri. Ili šaj razmislinea te dža ko nesave kursija so ka pomožinen tut te dobine nesavi korisno veština, licenca ili diploma so ka pomožinel tut te arakhe asavki buti. Akava tano vozbudlivo periodi taro tlo životo. Sepak, šaj na džanea so te kere soske isi tut baro izbor, ili isi tut pritisok te ane odluka kolaja so ka ugodine e javerenge. So ka pomožinel tuke te ane mudra odluke?
Čitin Matej 6:32, 33. Palo adava puč:
-
Soske tano šukar te čhive tuke jasna duhovna celija angleder te ane važna odluke bašo adava savi buti ka kere hem savi škola ka završine?
-
Sar šaj o roditelija te pomožinen pumare čhavenge te primeninen o sovet taro Matej 6:32, 33? (Ps 78:4-7).
Pazin ko tle odluke te na vlijajnel i želba te ovel tut udobno životo ili te ove pendžardo (1Jo 2:15, 17). Ma bistre kaj adale so isi le but ko materijalno pogled šaj te ovel leske pharo te prifatinel i poraka bašo Carstvo (Lk 18:24-27). Ako nekoj dela pestar sa te ovel barvalo, ka ovel leske pharo te ovel le zorali vera hem te koncentririnel pe ko adava te ugodinel e Jehovaske (Mt 6:24; Mr 8:36).
Mukh o VIDEOKLIPI Ma te ovel tut doverba ko adava so propadinela — o barvalipa. Palo adava puč:
-
Sar šaj o Izreki 23:4, 5 te pomožinel tut te ane mudra odluke?
8. Sobranisko proučibe i Biblija
(30 min.) bt-MC pogl. 10, pas. 5-12
