BARVALIPA TARO E DEVLESKORO LAFI | JOV 1-5
O Jov ačhilo verno keda sine le iskušenija
O Jov dživdinela sine ko Uz keda o Izraelcija sine robija ko Egipet. Ov na sine Izraelco, ama verno služinela sine e Jehovaske. Sine le bari familija, sine but barvalo hem vlijatelno manuš. Leskere sovetija sine but cenime hem sine sudija kova so na sine pristrasno. Ov pomožinela sine e čorolenge. O Jov kerela sine adava so mangela o Jehova.
O Jov jasno sikavgja kaj o Jehova leske najvažno ko dživdipe
1:8-11, 22; 2:2-5
-
O Satana dikhlja kaj o Jov verno služinela e Jehovaske. Ov na vakergja kaj o Jov nane poslušno e Jehovaske, ama vakergja kaj leskere motivija tane pogrešna
-
O Satana vakergja kaj o Jov služinela e Jehovaske tari korist
-
Te šaj te odgovorinel e Satanaske, o Jehova mukhlja le te napadinel akale verno manuše. O Satana kergja leske bari šteta
-
O Satana isto agjaar vakergja kaj nijekh manuš nane te ačhovel verno e Jehovaske
-
O Jov na grešingja hem na vakergja kaj o Devel kergja nešto pogrešno
