Ko periodi keda tani i Spomen-svečenost isi amen šukar prilika te razmislina bašo bereketija so ka oven amen ki idnina preku i otkupnina. Jekh taro bereketija tano o voskresenie. O Jehova nikogaš na manglja o manuša te meren. Adaleske, najbari dukh osetinaja keda merela nekoj taro amare mangle (1Ko 15:26). E Isuseske sine but pharo keda dikhlja kobor leskere učenikonge sine žal keda mulo o Lazar (Jvn 11:33-35). O Isus tano sar po Dad, adaleske šaj te ova sigurna kaj e Jehovaske da tano pharo keda dikhela kobor but žalinaja pali nekaste so mulo amendar (Jvn 14:7). O Jehova edvaj adžikerela o vreme keda ka voskresninel ple verna slugen. Amen da edvaj adžikaraja te ovel adava (Jov 14:14, 15).

Adaleske so o Jehova tano Devel so isi le redo, šaj te ova sigurna kaj o voskresenie ka ovel organizirimo (1Ko 14:33, 40). Namesto te paruna e mulen, amen ka adžikera len te voskresninen. Dali razmislinea bašo voskresenie, posebno keda ka merel nekoj? (2Ko 4:17, 18). Dali blagodarinea e Jehovaske so dengja i otkupnina hem so vakergja amenge ki Biblija kaj o mule palem ka ušten? (Kol 3:15).

• Kaste taro tle amala hem familija posebno mangea te dikhe keda ka voskresninen?

• Kole manuše taro biblisko vreme mangea te zapoznanje le hem te kere lea lafi?