DE TUTAR SA KI SLUŽBA
Ker pošukar i služba — ker tli prezentacija bašo spisanija
SOSKE TANO VAŽNO: Iako o prezentacie sar primer tane korisna, lengiri cel tani samo te den amen ideja. Valjani te vakere len tle lafencar. Šaj ka ovel tuke polokho te počmine ko pojaver način ili te koristine javer tema so ka ovel pošukar bašo tlo podračje. Adaleske prvo čitin o spisanie, dikh o prezentacie sar primer, o videoklipija bašo prezentacie, hem palo adava šaj te koristine o predlogija so i dende akate te šaj te kere tli prezentacija.
SAR TE KERA ADAVA:
Puč tut: „Mangava li te koristinav jekh taro prezentacie so i dende sar primer?“
OJA
-
Razmislin sar te počmine. Keda ka pozdravine e stanare, palo adava vaker leske soske aljan. (Na primer: „Me aljum adaleske so...“)
-
Razmislin sar palo pučibe ka povrzine o stiho hem sar ka nudine o spisanie. (Na primer, te povrzine o stiho šaj te vakere: „O odgovor bašo akava pučibe šaj te arakha le akate“.)
NA
-
Spremin pučibe so ka odgovorine le ki povtorno poseta
-
Ker tuke zabeleške te šaj te džane bašo so valjani te kere lafi keda ka posetine le javer puti
-
Birin tema taro spisanie so svidžinela pe tuke hem so ka ovel interesno e manušenge ko tlo podračje
-
Birin pučibe so ka pottikninel e stanare te vakerel so mislinela, ama pazin ma te ane le ki nezgodno situacija. (Na primer, šaj te koristine o pučiba so i dende ki 2 strana ko spisanija.)
KO SOLDUJ SITUACIE:
-
Birin kova stiho ka čitine. (Keda nudinea Razbudete se!, tegani tutar zavisinela dali ka čitine stiho, soske akava spisanie tano kerdo bašo manuša so hari pendžarena i Biblija ili nane len doverba ki religija.)
-
Razmislin sar kratko te objasnine e stanareske savi korist šaj te ovel le tari statija
