SOSKE TANO VAŽNO: Keda tane spremna okola so proučinaja lencar, šaj polokhe te haljoven hem te pamtinen o materijali. Adava ka pomožinel len posigate te napredujnen. Čak otkeda ka krstinen pe, ola valjani te spreminen pe bašo sostanokija hem baši služba ko podračje te šaj „te ačhoven džangavde“ (Mt 25:13). Znači, ako sikljovena sar te proučinen hem sar te oven len šukar navike proučibaske, adava ka koristinel lenge celo životo. Ko početok keda ka počminen te proučinen, odma počmin te pomožine e interesenteske te ovel le navika te spreminel pe.

SAR TE KERA ADAVA:

• Ov leske šukar primer (Ri 2:21). Džikote spreminea tut bašo biblisko kursi razmislin bašo potrebe e interesenteskere (km 11/15 3 str.). Neka dikhel kaj tlo lil tano beležimo

• Pottiknin le te spreminel pe. Panda ko početok vaker leske kaj o spremibe tano delo taro biblisko kursi hem objasnin save koristija isi tut taro adava. De le nesave praktična predlogija bašo adava sar te arakhel vreme te spreminel pe. Nesave objavitelija dena pumaro lil soj beležimo te šaj o interesenti te dikhel kobor tano korisno angleder te spreminel pe. Pofalin le keda tano spremimo

• Sikav le sar te spreminel pe. Samo so ka počminen nekasaja te proučinen, nesave objavitelija odvojnena peske vreme te sikaven e interesente sar te spreminel pe